ბეშქენ გურკლელი

XIII საუკუნის 30-50-იანი წლების ქართველი პოლიტიკური მოღვაწე; რუსუდანისა და დავით IV ნარინის კარის მოხელე–ამირეჯიბი; მემკვიდრეობით სოფელ გურკელის(სამცხე) მფლობელი; იყო დავით VI-ის თანშეზრდილი და დაახლოებული პირი; დაახლოებით 1243 წელს იგი თან ახლდა მეფობის დასამტკიცებლად ოქროს ურდოში წასულ დავით VI-ს; 1259 წელს მონღოლთა წინააღმდეგ აჯანყებულ დავით VI-თან ერთად დასავლეთ საქართველოში გადავიდა; ამის შემდეგ, როგორც ჩანს, იმერეთში დამკვიდრდა სამეფო კარზე.

წყარო: საქართველო: ენციკლოპედია: ტ.2. – თბ., 2012. – გვ.224