ოთარ შაორშაძე

დაბადების ადგილი: ქ. ზესტაფონი

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1976 წელს, თბილისის სახელმწიფო უნივერსიტეტის ჟურნალისტიკის ფაკულტეტი 1982 წელს.

1977–1979წწ. მუშაობდა თბილისის I სამუსიკო სასწავლებელში კომკავშირის კომიტეტის გათავისუფლებულ მდივნად; 1979–1983წწ. პედაგოგად; 1979–1985წწ. საქართველოს რადიოში გადაცემა "პიკის საათის" რედაქტორად; 1985–1992წწ. საქართველოს ტელევიზიაში ინფორმაციის მთავარი რედაქციის უფროს რედაქტორად; 1996 წელს მთავარ რედაქტორად; 1992 წელს დააარსა პროგრამა "ალიონი" და იყო მისი მთავარი რედაქტორი; იყო ავტორი და წამყვანი ტელერადიო გადაცემებისა: "აუქციონი", "პიკის საათი", "ნაშუადღევს". 

წყარო: ვინ ვინაა საქართველოში: ქართული ბიოგრაფიული ცნობარი. – თბ., 1996 – 97. – გვ. 196 

• 1996 - ღირსების ორდენი
  საქართველოს დემოკრატიის მშენებლობისა, სტაბილიზაციის განმტკიცებისა და ახალი ეკონომიკური რეფორმების განხორციელების საქმეში შეტანილი წვლილისათვის