ირაკლი გუჯაბიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამთო ფაკულტეტი, მიწისქვეშა და საშახტო მშენებლობის სპეციალობით 1975 წელს.

1975–1976წწ. იყო საქართველოს პოლიტექნიკური ინსტიტუტის სამეურნეო თემის ინჟინერი; 1976–1980წწ. სასარგებლო წიაღისეულის საბადოთა დამუშავების კათედრის ლაბორანტი, შემდეგ უფროსი ლაბორანტი; 1984 –1999წწ. სასარგებლო წიაღისეულის საბადოთა დამუშავების კათედრის ასისტენტი, დოცენტი, პროფესორი; 1999–2002წწ. საქართველოს ტექნიკური უნივერსიტეტის მიწისქვეშა ნაგებობათა მშენებლობის კათედრის გამგე; 2002–2007წწ. სასარგებლო წიაღისეულის საბადოთა დამუშავებისა და მიწისქვეშა ნაგებობათა მშენებლობის კათედრის გამგე; 1995 წლიდან არის საქართველოს ტექნიკური უნივერსიტეტის საინჟინრო კვლევებისა და დაპროექტების რესპუბლიკური ცენტრის აღმასრულებელი დირექტორი და ერთ–ერთი დამაარსებელი; 2007 წლიდან საქართველოს ტექნიკური უნივერსიტეტის სამთო ტექნოლოგიების დეპარტამენტის უფროსი; გამოქვეყნებული აქვს 54 სამეცნიერო შრომა, მათ შორის ერთი მონოგრაფია; მისი ხელმძღვანელობით შესრულებულია და დანერგილია მრავალი საინჟინრო პროექტი მიწისქვეშა და საშახტო მშენებლობის დარგებში, როგორც საქართველოში, ასევე საზღვარგარეთ; მეცნიერი მიწიქვეშა ნაგებობებისა და შახტების მშენებლობის დარგში, ტექნიკურ მეცნიერებათა დოქტორი (1992), პროფესორი (1994).

წყარო: საქართველო: ენციკლოპედია: ტ.2. – თბ., 2012. – გვ.236; საქართველოს ტექნიკური უნივერსიტეტი: gtu.ge

• რუსეთის საბუნებისმეტყველო მეცნიერებათა აკადემია, აკადემიკოსი

• მეთოდური მითითებები ლაბორატორიული სამუშაოების შესასრულებლად დისციპლინაში "ქანების ფიზიკა. სამთო წნევა" (შემდგენელი). - თბილისი, 1988. - 26გვ.