გივი კომახიძე

დაბადების ადგილი: ქ. ქობულეთი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1980 წელს.

1971 წელს იყო კიროვის რაიონის კონსულტანტ-მდივანი; 1971-1973წწ. კალინინის რაიონის სასამართლოს აღმასრულებელი; 1980-1981წწ. თბილისის სახელმწიფო უნივერსიტეტის სააღრიცხვო-ეკონომიკური ფაკულტეტის კათედრის ლაბორანტი; 1986-1994წწ. მუშაობდა ფინანსთა სამინისტროს სისტემაში სხვადასხვა თანამდებობებზე: 1986-1987წწ. ფინანსთა სამინისტროს სამმართველოს მთავარი ეკონომისტი; 1987-1991წწ. განყოფილების უფროსი; 1991 წელს ფინანსებისა და ფულის მიმოქცევის მთავარი სამმართველოს უფროსის მოადგილე; 1994 წელს ფინანსთა სამინისტროს ფასების, ფულის მიმოქცევისა და საკრედიტო პოლიტიკის სამმართველოს უფროსი; 1994-1995წწ. ქობულეთის რაიონის გამგეობის თავმჯდომარის მოადგილე; 1995 წელს პირველი მოადგილე; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "სრულიად საქართველოს აღორძინების კავშირი", საარჩევნო ფორმა: მაჟორიტარული, მაჟორიტარი, №81 ქობულეთის საარჩევნო ოლქი. ავტორია 14 სამეცნიერო ნაშრომისა. ეკონომიკის მეცნიერებათა დოქტორი.

საკანდიდატო დისერტაციის თემა - "შრომის ნაყოფიერების დაგეგმვა და ანალიზი საქართველოს ჩაის მრეწველობაში", დაიცვა 1986 წელს. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 186; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.212

• საქართველოს დემოკრატიული აღორძინების კავშირი, წევრი (1995-)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის კორუფციასთან ბრძოლის დროებითი საგამოძიებო კომისია , წევრი (1995-1999)
• საქართველოს მე-4 მოწვევის პარლამენტის საფინანსო-საბიუჯეტო ქვეკომიტეტი, თავმჯდომარე (1995-1999)