ბორის გუჯეჯიანი

დაბადების ადგილი: სოფელი ჭოლაში, ახლანდელი მესტიის მუნიციპალიტეტი.

დაამთავრა ამიერკავკასიის სამთო–მეტალურგიული ინსტიტუტი 1931 წელს.

1935-1937წწ. იყო საქართველოს პოლიტექნიკური ინსტიტუტის გეოლოგიურ–საძიებო ფაკულტეტის დეკანი და საწვავი წიაღისეულის გეოლოგიური კათედრის გამგე; სოფელ ცანის სამთო–მეტალურგიული კომბინატის მშენებლობის სამმართველოს უფროსი; 1941-1945წწ. სსრკ ქიმიური მრეწველობის სამინისტროს მთავარი სამმართველოს უფროსი; 1945-1952წწ. კომბინატ "საქნახშირის" უფროსი; 1953-1956წწ. საკავშირო ნახშირის ინსტიტუტის დირექტორი; 1957-1958წწ. საქართველოს სახალხო მეურნეობის საბჭოს ნახშირების, ნავთობისა და სამთამადნო მრეწველობის სამმართველოს უფროსი; 1959-1962წწ. კავკასიის მინერალური ნედლეულის ინსტიტუტის დირექტორის მოადგილე; 1962-1976წწ. საქართველოს საწარმოო გეოლოგიური სამმართველოს უფროსი; დიდი წვლილი მიუძღვის საქართველოს მინერალური ნედლეულის მრავალი სახეობის სამრეწველო მარაგის დადგენაში; იყო საქართველოს ქვანახშირის საბადოების (ტყიბული, შაორა, ტყვარჩელი) პეტროგრაფიისა და ქიმიის აღიარებული მკვლევარი; მან პირველმა დაადგინა, რომ ტყიბულის ნახშირში მოიპოვება ლიპტობიოლითები, რაც სპეციალისტების მიერ საყოველთაოდ იქნა აღიარებული; მიღებული აქვს სახელმწიფო ჯილდოები; ინჟინერ–გეოლოგი, III რანგის სამთო გენერალი (1945).

წყარო: საქართველო: ენციკლოპედია: ტ.2. – თბ., 2012. – გვ.238; სვანეთი და სვანები / ირაკლი დვალი, გივი ქურდიანი.-თბ., 2014.-გვ.152; სვანეთი და სვანები / ირაკლი დვალი, გივი ქურდიანი.-თბ., 2014.-გვ.152

• საქართველოს სამთო–ტექნიკური საზოგადოება, თავმჯდომარე (1956-1976)

• თანამედროვე ეგზოგენური გეოლოგიური პროცესების შესწავლის მდგომარეობა და კვლევის პერსპექტივები საქართველოს გეოლოგიის სამსახურში (Co-Author). - თბილისი, 1976. - 1976
• შრომის ნაყოფიერების ზრდის გზები ნახშირის მრეწველობაში (Co-Author). - თბილისი, სახელგამი, 1957. - 94გვ.