იოსებ გძელიშვილი

დაბადების ადგილი: ქ. თბილისი.

1932-1944წწ. მუშაობდა ინჟინრად; 1944-1965წწ. იყო თავისივე ხელმძღვანელობით შექმნილი არქეოლოგიურ–ტექნოლოგიური ლაბორატორიის გამგე; წლების განმავლობაში ხელმძღვანელობდა თბილისის არქეოლოგიურ ექსპედიციას; პირველმა შეადგინა თბილისის და მისი მიდამოების საინჟინრო გეოლოგიური რუკა; საფუძველი ჩაუყარა ქვემო ქართლში შუა საუკუნეების ნასოფლარების არქეოლოგიურ კვლევა–ძიებას; დიდი წვლილი შეიტანა უძველესი სამთამადნო და მეტალურგიული წარმოების გამოკვლევაში; ბოლნისის რაიონსა და აჭარაში აღმოაჩინა და შეისწავლა შუა საუკუნეების რკინის მაღაროები და ლითონის სადნობი ქურები; გამოქვეყნებულ ნაშრომთაგან აღსანიშნავია – "თბილისის მატერიალური კულტურის ძეგლები" (1961) და "რკინის დნობის საქმე ძველ საქართველოში" (1964); გეოლოგია–მინერალოგიის მეცნიერებათა კანდიდატი (1946).

წყარო: საქართველო: ენციკლოპედია: ტ.2. – თბ., 2012. – გვ.239

• თბილისის მატერიალური კულტურის ძეგლები : 1956-57 წ.წ. არქეოლოგიური გათხრების მიხედვით (ავტორი). - თბილისი, საქ. სსრ მეცნ. აკად. გამ-ბა და სტ., 1961. - 93გვ.