გელა კვაჭანტირაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1978 წელს; ამავე უნივერსიტეტის საერთაშორისო ბიზნესის ფაკულტეტი სპეციალობით ბიზნეს-იურისტი 2001 წელს.

1978-1992წწ. რიგი სამეცნიერო პროექტებისა და პროგრამების ხელმძღვანელი მაღალი ტექნოლოგიების სფეროში სტაბილური იზოტოპების სამეცნიერო-კვლევით ინსტიტუტში: 1982-1988წწ. წამყვანი მეცნიერ-თანამშრომელი; 1988-1991წწ. ლაბორატორიის გამგე; 1992-1995წწ. სახელმწიფო მეთაურის აპარატის ანალიტიკური სამსახურის ერთ-ერთი დამფუძნებელი, სახელმწიფო მრჩეველი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: ეროვნულ–დემოკრატიული პარტია, საარჩევნო ფორმა: პარტიული სიით; 2000 წელს საქართველოს ეკონომიკის მინისტრის კონსულტანტი; 2001-2003წწ. საქართველოს სახელმწიფო კანცელარიის - "სოციალურ-ეკონომიკური სისტემის ანალიზის" განყოფილების ხელმძღვანელი; 2003-2011წწ. ქართულ-ამერიკული საერთაშორისო საწარმოების - "Speqtra Gases Georgia " და "CPI Georgia"-ს მთავარი კონსულტანტი; 2010-2011წწ. ეწეოდა პედაგოგიურ საქმიანობას "კავკასიის საერთაშორისო უნივერსიტეტში" (კითხულობდა ლექციების კურსს - "ბიზნესის საფუძვლები"); 2011 წელს გ. კვაჭანტირაძე აფუძნებს საზოგადოებრივ ორგანიზაციას - "მაღალი ტექნოლოგიების ჯგუფს" ("Hi - Tech Group"), რომელის მიზანია საქართველოში ცოდნაზე დაფუძნებული ეკონომიკის საფუძვლების ჩამოყალიბება, ინდუსტრიული რევოლუციის (Industry 4.0) კონცეფციის შექმნა და მისი იმპლემენტაცია. 2011-2015წწ. შპს "Hi-Tech Villa"-ს დირექტორი; 2015–2017წწ. თბილისის ივანე ჯავახიშვილის სახელობის სახელმწიფო უნივერსიტეტის "უწყვეტი განათლების ცენტრის" კონსულტანტი; 2017-2019 წწ.  სსიპ "განათლების ხარისხის განვითარების ეროვნული ცენტრის"კონსულტანტი. 2019 წელს დააფუძნა არასამთავრობო ორგანიზაცია - "დამოუკიდებელ პოლიტიკურ ექსპერტთა ასოციაცია", რომელსაც დღემდე ხელმძღვანელობს. ასოციაცია აერთიანებს ექსპერტებს, რომლებიც იზიარებენ ქვეყნის დემოკრატიული განვითარების და ევრო-ატლანტიკური ინტეგრაციის კურსს. არის 13 სამეცნიერო შრომის თანაავტორი. ფიზიკა-მათემატიკის მეცნიერებათა აკადემიური დოქტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 177; საქართველოს პარლამენტი ვებ-გვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 200; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.338

• დამოუკიდებელ პოლიტიკურ ექსპერტთა ასოციაცია, დამფუძნებელი, თავმჯდომარე (2019-)
• საქართველოს ეროვნულ-დემოკრატიული პარტია, თავმჯდომარის მოადგილე, პოლიტიკური მდივანი (1992-2001)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერების და კულტურის კომიტეტი, თავმჯდომარის მოადგილე (1995-1999)
• საქართველოს მე-4 მოწვევის პარლამენტის ფრაქცია "ედპ - ეროვნულ - დემოკრატიული პარტია", თავმჯდომარის მოადგილე (1995-1999)
• ქართული სიძველეების კვლევის საერთაშორისო საქველმოქმედო ფონდი, აღმასრულებელი დირექტორი

• 1998 - ღირსების ორდენი
  საქართველოში მაღალი ტექნოლოგიების განვითარების ხელშეწყობის სახელმწიფო პროგრამის შექმნის ერთ-ერთი ინიციატორი და თანაავტორი
• 1986 - საქართველოს სახელმწიფო პრემია