სანდრო ჟორჟოლიანი

დაბადების ადგილი: ქ. ოზურგეთი.

დაამთავრა ოდესის უნივერსიტეტის ისტორია-ფილოლოგიის ფაკულტეტი 1911 წელს.

1912-1920წწ. იყო პედაგოგი ბაქოსა და თბილისში; ამავე დროს აქტიურად მონაწილეობდა ქართველ სცენისმოყვარეთა დასის სპექტაკლებში; 1921 წლიდან იყო შოთა რუსთაველის სახელობის თეატრის მსახიობი; 1928 წლიდან სიცოცხლის ბოლომდე მარჯანიშვილის სახელობის თეატრის მსახიობი. ამ პერიოდის საუკეთესო როლებია: ყარამანი (ნ. ნაკაშიძის "ვინ არის დამნაშავე"), დიტო (ვ. შალიკაშვილის "უნიადაგონი"), კოწია (შ. დადიანის "გუშინდელნი"), მინისტრის მდივანი (ნ. აზიანის "დეზერტირკა") და სხვა. 1925 წლიდან იღებდნენ კინოში. როლები: იმერელი თავადი ("სამანიშვილის დედინაცვალი", 1927), გენერალი ("ელისო", 1928) მოსე მწერალი ("დარიკო", 1936), კოსტაია ("ნარინჯის ველი", 1937), მაჭანკალი არისტო ("დაკარგული სამოთხე, 1938), ამირანი ("ჭირვეული მეზობლები", 1945), ფოსტალიონი კირილე ("ჭრიჭინა", 1954), სანდრო ("აბეზარა", 1956), ბაბუა ("მანანა", 1956), ილიკო ("მე, ბებია, ილიკო და ილარიონი", 1963), ედემიკა ("მე ვხედავ მზეს", 1963) და სხვა. ფართო პოპულარობით სარგებლობდა როგორც ესტრადის მსახიობი.

წყარო: მამულიშვილთა სავანე. - თბ., 1994. - გვ.305; ეროვნული ფილმოგრაფიის პორტალი: geocinema.ge

• 1942 - საქართველოს სახალხო არტისტი
• 1938 - საქართველოს დამსახურებული არტისტი
• შრომის წითელი დროშის ორდენი