შალვა აზმაიფარაშვილი

დაბადების ადგილი: ქ. თბილისი.

დაამთავრა თბილისის ვანო სარაჯიშვილის სახელობის  სახელმწიფო კონსერვატორია 1930 წელს.

1923-1928წწ. უკრავდა სასულე და სიმფონიურ ორკესტრებში; 1932 წლიდან იყო თბილისის ზ. ფალიაშვილის სახელობის ოპერისა და ბალეტის სახელმწიფო თეატრის დირიჟორი, 1938-1952წწ. მთავარი დირიჟორი; 1943-1953წწ. ხელმძღვანელობდა საქართველოს რადიოს სიმფონიურ ორკესტრს; 1954-1957წწ. საქართველოს სახელმწიფო სიმფონიურ ორკესტრს; მისი მუსიკალური ხელმძღვანელობით დაიდგა მრავალი ქართული ოპერა: მ. ბალანჩივაძის "დარეჯან ცბიერი", ვ. დოლიძის "ქეთო და კოტე"(1937, ორივე), გ. კილაძის "ლადო კეცხოველი", ი. გოკიელის "პატარა კახი"(1943), შ. შველიძის "ამბავი ტარიელისა"(1946, სახელმწიფო პრემია, 1947), დ. თორაძის "მთების ძახილი"(1947); მუსიკალური ნაწარმოებებია: სიმფონიური პოემა "ყვარლის მთები"(1939), საორკესტრო სიუიტა "ძველი თბილისის სურათები"(1941), სიმფონია(1945, C-dur), ვოკალურ-სიმფონიური პოემა "ქართლი"(1946), ოპერა "ხევისბერი გოჩა"(1951), მუსიკალური კომედია "რაც გინახავს, ვეღარ ნახავ"(1952); კომპოზიტორი, დირიჟორი.

წყარო: Композиторы грузии: Издание второе. – тб., 1973.- გვ.6; ქართული მუსიკის ენციკლოპედიური ლექსიკონი. – თბ., 2015. – გვ.16; ეროვნული ფილმოგრაფია: geocinema.ge

• საქართველოს კომპოზიტორთა კავშირი, წევრი (1956-)
• საქართველოს სსრ პირველი და მესამე მოწვევის უმაღლესი საბჭო, დეპუტატი

• 1941 - საქართველოს ხელოვნების დამსახურებული მოღვაწე
• საპატიო ნიშნის ორდენი