ვახტანგ კახიძე

დაბადების ადგილი: ქ. თბილისი.

დაამთავრა მოსკოვის სახელმწიფო კონსერვატორიის კომპოზიციის ფაკულტეტი 1981 წელს.

1984 წლიდან თბილისის მოზარდ მაყურებელთა თეატრის მუსიკალური ხელმძღვანელი; 1990 წელს დაიწყო მოღვაწეობა, როგორც დირიჟორმა;  1993 წლიდან თბილისის სიმფონიური ორკესტრის დირიჟორია; 2002 წლიდან თბილისის სიმფონიური ორკესტრის სამხატვრო ხელმძღვანელი და მთავარი დირიჟორი, აგრეთვე სათავეში ჩაუდგა თბილისის მუსიკალურ-კულტურულ ცენტრსა და საერთაშორისო მუსიკალურ ფეტივალს "შემოდგომის თბილისი". წარმატებით მუშაობს სხვადასხვა მუსიკალურ ჟანრში – კარგადაა ცნობილი მისი სიმღერები, მუსიკა ფილმებისა და თეატრალური წარმოდგენებისთვის, აგრეთვე ჯაზური კომპოზიციები. იგი ხშირად გამოდის როგორც ჯაზ პიანისტი ბევრ ცნობილ ჯაზის შემსრულებელთან და თავის ჯაზ-ფოლკ ანსამბლ "არიეს"-თან ერთად. სსრკ-ს ახალგაზრდა კომპოზიტორების კონკურსის პირველი პრემიის მფლობელი,  საქართველოს კომპოზიტორთა აკადემიის სპეციალური პრიზი "გაზაფხული" - ფილმის საუკეთესო მუსიკის შექმნისთვის (1997), საქართველოს თეატრალური საზოგადოების პრემიის ლაურეატი - საუკეთესო მუსიკა დრამატული დადგმისთვის (1998), გაზეთ "საქართველოს რესპუბლიკა"-ს მიერ დაწესებული პრიზი - წლის ყველაზე წარმატებული ხელოვანი (2002), ალბერტ შვაიცერის სახელობის საპატიო მედალი - მუსიკალურ კულტურაში განსაკუთრებული მიღწევებისთვის (2003).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 175; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.17

• ევროპის საერთაშორისო საბუნებისმეტყველო მეცნიერებათა აკადემია, ნამდვილი წევრი (2003-)

• 2018 - თბილისის საპატიო მოქალაქე
• 2000 - ღირსების ორდენი
• 1997 - კოტე მარჯანიშვილის სახელობის პრემია