იაკობ ბობოხიძე

დაბადების ადგილი: ქ. ქუთაისი

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1957 წელს.

1956 წლიდან მუშაობდა საქართველოს ტელერადიო მაუწყებლობაში მთავარ ხმის რეჟისორად; 1972-1977წწ. იყო სახელმწიფო ტელევიზიისა და რადიომაუწყებლობის ტელეფილმების სტუდიის მუსიკალური ხელმძღვანელი; 1977 წლიდან კინოსტუდია "ქართული ფილმის" მუსიკალური განყოფილების მთავარი რედაქტორი; მისი შემოქმედების ძირითადი მიმართულებაა ვოკალურ–სიმფონიური და სასიმღერო ჟანრი; იგი ავტორია: კონცერტი საყვირისა და ორკესტრისათვის(1957), კონცერტინო ფლეიტა–პიკოლოსა და ორკესტრისათვის, საორკესტრო სიუიტა "ბურატინო"(ხუთ ნაწილად), "კანტატა თბილისზე", კანტატა "დილა"(საბავშვო გუნდისა და ორკესტრისათვის), ვოკალური ციკლი გუნდი-a cappella(1968, ა. კალანდაძის სიტყვებზე), კანტატა "მთაწმინდის მთვარე"(1970, გ. ტაბიძის სიტყვებზე), მთელი რიგი საგუნდო დ სოლო სიმღერები: "სიმღერა საქართველოზე", "ფშავური ბალადა", ვოკალური ციკლი "შავლეგო"(სამი ბალადა ბანისა და ორკესტრისათვის, მ. გელოვანის ტექსტზე), მუსიკა სპექტაკლებისა და ტელეფილმებისათვის, საბავშვო მუსიკა, საესტრადო სიმღერები; 1973 წელს მან დაასრულა საბავშვო ოპერა "ბურატინო"; კომპოზიტორი.

წყარო: Композиторы грузии: Издание второе. – тб., 1973. - გვ. 41; ეროვნული ფილმოგრაფია: geocinema.ge

• საბჭოთა კავშირის კომპოზიტორთა კავშირი, წევრი (1962-)

• 1982 - საქართველოს ლენინური კომკავშირის პრემია
• 1967 - საქართველოს ხელოვნების დამსახურებული მოღვაწე