თამარ ვახვახიშვილი

დაბადების ადგილი: ქ. ვარშავა.

დაამთავრა პარიზის კონსერვატორია 1927 წელს.

1921–1926წწ. იყო თბილისის მუსიკალური სკოლის დირექტორი, შოთა რუსთაველის სახელობის სახწელმწიფო დრამატული და კოტე მარჯანიშვილის სახელობის სახწელმწიფო დრამატული თეატრების მუსიკალური ნაწილის გამგე; მან კოტე მარჯანიშვილთან ერთად საფუძველი ჩაუყარა და ტრადიცია შეუქმნა თბილისის დრამატულ თეატრში მუსიკალური ხელოვნების ფართოდ დამკვიდრებას, შექმნა მუსიკა 100-მდე დრამატული სპექტაკლისათვის, მათ შორის: "ცხვრის წყარო", "ურიელა კოსტა", "კაკალ გულში", "გუშინდელნი", "როგორ?", "ხატიჯე", "ყვარყვარე თუთაბერი", "თეთრები", "ჰოპლა ჩვენ ვცოცხლობთ", "ბეატრიჩე ჩენჩი", "მასკარადი"; 1933–1971წწ. ცხოვრობდა და მოღვაწეობდა მოსკოვში, სადაც წამყვან თეატრებში მუსიკალურად გააფორმა მრავალი სპექტაკლი, ასე მაგალითად: "ვერაგობა და სიყვარული" (მოსკოვის მცირე თეატრი); ის ავტორია სხვადასხვა ჟანრის ნაწარმოებებისა, ესენია: ბალეტები: "ბახუსის დღესასწაული"(1919), "სიყვარულის ბანგი" (1920), "სპარტაკი" (1937); პანტომიმები: "მზეთა მზე" (1929), "ხანძარი" (1930); მუსიკალური კომედია "დონ ჰილი–მწვანე შარვალი"; იგი ავტორია წიგნისა "თერთმეტი წელი კოტე მარჯანიშვილთან" (1976); კომპოზიტორი.

წყარო: ქართული საბჭოთა ენციკლოპედია: ტ. 4. - თბ., 1979. – გვ. 335

• 1940 - საქართველოს ხელოვნების დამსახურებული მოღვაწე

• თერთმეტი წელი კოტე მარჯანიშვილთან (ავტორი). - თბილისი, ხელოვნება, 1976. - 155გვ.
• კოტე მარჯანიშვილის ექვსი სპექტაკლი : ქართულ და რუსულ სცენებზე (ავტორი). - თბილისი, ლიტერატურა და ხელოვნება, 1968. - 185გვ.