ზურაბ კანდელაკი

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტის სარეჟისორო ფაკულტეტი 1965 წელს.

1965-1967წწ. სოხუმის დრამატული თეატრის დამდგმელი რეჟისორი; 1967 წლიდან საქართველოს ტელერადიო კორპორაციის რეჟისორი; 1973 წლიდან მთავარი რეჟისორი; პარალელურად დგამდა სპექტაკლებს საქართველოს სხვადასხვა თეატრებში და ეწეოდა პედაგოგიურ მოღვაწეობას; საზოგადოებრივი მაუწყებლის რადიოთეატრის მთავარი რეჟისორი; რადიოში განხორციელებული აქვს ოთხასამდე რადიოსპექტაკლი; სხვადასხვა დროს დადგმული აქვს რადიოსპექტაკლები ბუდაპეშტში, ტალინში, ვარშავაში, მოსკოვში, მინსკში; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა-თავისუფალი საქართველო", "ეროვნული ფრონტი-რადიკალური კავშირი", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). გამოცემული აქვს მოთხრობების კრებული. მისი მხატვრული ნაწარმოებები და პუბლიცისტური წერილები იბეჭდება ქართულ პრესაში. არის რადიოდადგმების საერთაშორისო ფესტივალის გრან-პრის მფლობელი რადიოპიესისთვის - "რეპეტიცია" (1994) და "PRIX EUROPA" - ჟიურის სპეციალური პრიზის მფლობელი ნ. დუმბაძის ნაწარმოებების მიხედვით შექმნილი რადიოსპექტაკლისთვის - "კიდევ ერთხელ სიყვარულზე, ანუ ჩაო, ჩაო" (2005). მიღებული აქვს ჟურნალისტთა საერთაშორისო ფონდის პრიზი "ოქროს ფრთა" (2013).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 170; საქართველო: ენციკლოპედია: ტ. IV. -თბ., 2018.-გვ. 512-513;  საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 190; საქრთველოს პარლამენტის ვებგვერდი: parliament.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.250

• სა­ქარ­თვე­ლოს რესპუბლიკის პირველი მოწვევის უზენაესი საბჭო, წევრი (1990-1991)
• სა­ქარ­თვე­ლოს რესპუბლიკის პირველი მოწვევის უზენაესი საბჭოს კულტურის, განათლების და მეცნიერების კომისია, წევრი (1990-1991)

• 1995 - ღირსების ორდენი

• უძრავი ქარი : რომანი (ავტორი). - თბილისი, საუნჯე, 2013. - 192გვ.. - ISBN: 978-9941-442-46-9
• სულ ერთი წუთი მადროვე, ჯალათო : პიესები (ავტორი). - თბილისი, ალექსანდრე ორბელიანის საზ-ბა, 2010. - 176გვ.. - ISBN: 978-9941-0-1071-2
• მსხვერპლი : კინოსცენარი (ავტორი). - თბილისი, სანი, 2003. - 60გვ.. - ISBN: 99940-706-4-9
• რადიოპიესები : კრებული (ავტორი). - თბილისი, ლომისი, 1999. - 200გვ.
• უფალო, გამიყვანე დერეფნის ბოლოს : მოთხრობები (ავტორი). - თბილისი, მერანი, 1991. - 208გვ.