ზაზა კანდელაკი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1980 წელს.

1991-1992წწ. მუშაობდა საგარეო საქმეთა სამინისტროს პოლიტიკურ დეპარტამენტში სხვადასხვა თანამდებობებზე; 1992-1993წწ. ეროვნული უსაფრთხოების საკითხებში სახელმწიფო მრჩევლი საქართველოს სახელმწიფო მეთაურის აპარატში; 1993–1994წწ. საქართველოს სახელმწიფო მეთაურის აპარატის პრეს–მდივანი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი (სმკ), საარჩევნო ფორმა: პარტიული სიით; 1995–1999წწ. მუდმივმოქმედი საპარლამენტო დელეგაციების კოორდინატორი; 1999–2003წწ. საქართველოს საგარეო საქმეთა სამინისტროში საგანგებო დავალებათა ელჩი; 2003-2004წწ. საქართველოს საგარეო საქმეთა მინისტრის მოადგილე; 2005–2006წწ. საქართველოს საგანგებო და სრულუფლებიანი ელჩი პოლონეთის რესპუბლიკაში; 2013-2018წწ. საქართველოს საგანგებო და სრულუფლებიანი ელჩი უნგრეთში; 2018-2024წწ. საქართველოს საგანგებო და სრულუფლებიანი ელჩი იორდანიის ჰაშიმიტურ სამეფოში; 2024 წლის იანვარში დაინიშნა ისრაელის სახელმწიფოში საქართველოს საგანგებო და სრულუფლებიან ელჩად. მიღებული აქვს უნგრეთის სახელმწიფო ჯილდო - ღირსების ორდენი "კომანდორის ჯვარი". არის სამეცნიერო ნაშრომების ავტორი. საგანგებო და სრულუფლებიანი ელჩი 2000 წლიდან.

საკანდიდატო დისერტაციის თემა - "XIX ს-ის მეორე ნახევრის დასავლეთ საქართველოს საზოგადოებრივ-პოლიტიკური ცხოვრების პრობლემები", დაიცვა 1985 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 170; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 190; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.88

• საქართველოს მე-4 მოწვევის პარლამენტი, წევრი (1995-1999)
• საქართველოს მოქალაქეთა კავშირი, წევრი (1995-)