ბორის გალაევი

დაბადების ადგილი: ქ. ჩერნოიარსკი, თერგის ოლქი (ახ. ჩრდილოეთ ოსეთი).

დაამთავრა ლენინგრადის (სანკტ–პეტერბურგი) ცენტრალური სამუსიკო სასწავლებელი 1932 წელს.

1932 წელს გადავიდა ცხინვალში (სამხრეთ–ოსეთი); მას დიდი ღვაწლი მიუძღვის სამხრეთ–ოსეთის მუსიკალური კულტურის განვითარებაში, როგორც კომპოზიტორს, პედაგოგს და ხალხური სიმღერების შემგროვებელს; 1935 წლამდე იყო ცხინვალის მუსიკალური სკოლის დირექტორი და პედაგოგი; 1938–1951წწ. სამხრეთ–ოსეთის სიმღერისა და ცეკვის სახელმწიფო ანსამბლის სამხატვრო ხელმძღვანელი; 1951 წლიდან სამხრეთ–ოსეთის სამეცნიერო–კვლევითი ინსტიტუტის უფროსი მეცნიერ თანამშრომელი; 1941–1943წწ. ცხინვალის, კ. ხეთაგუროვის სახელობის თეატრის დირექტორი; 1943–1948წწ. სამხრეთ–ოსეთის გამგეობის კულტურის განყოფილების გამგე; მისი ნაწარმოებებიდან აღსანიშნავია: მუსიკალური დრამა "ნართ ბათრაძ" (1942), მუსიკალური კომედია "სასიძო" (1943), მუსიკა სპექტაკლებისათვის, სიმღერები, გუნდები, რომანსები; იგი არის თანაავტორი მუსიკისა კინოფილმისთვის "ფატიმა"; გამოშვებული აქვს "ოსური ხალხური სიმღერების კრებული" (1964, მოსკოვი), ფონოჩანაწერები (შვიდასზე მეტი).

წყარო: ქართული საბჭოთა ენციკლოპედია: ტ. 2.-თბ.,1977.-გვ.632; Композиторы грузии: Издание второе. – тб., 1973. - გვ. 58

• 1940 - საქართველოს ხელოვნების დამსახურებული მოღვაწე