ქეთევან გოგბერაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1980 წელს.

1984 წლიდან ამავე ინსტიტუტის პედიატრიისა და მოზარდთა მედიცინის კათედრის ასისტენტია. ავტორია 46 სამეცნიერო ნაშრომის, გამოქვეყნებული აქვს თანაავტორებთან ერთად მონოგრაფია და სახელმძღვანელო. პედიატრი, მედიცინის მეცნიერებათა კანდიდატი, მშობელთა მზრუნველობას მოკლებულ ადრეული ასაკის ბავშვთა სამედიცინო დახმარების თანაკოორდინატორი. მიღებული აქვს ბავშვთა მოსახლეობის სამედიცინო დახმარებისათვის უზბეკეთის ჯანდაცვის სამინისტროს საპატიო სიგელი.

საკანდიდატო დისერტაციის თემა - "პლაცენტის ჰისტო – მორფოლოგიური და ულტრასტრუქტურული ცვლილებები ორსულთა ანემიის დროს და მისი გავლენა ახალშობილისა და ბავშვის მდგომარეობაზე ცხოვრების პირველი წლის მანძილზე", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.70

• პედიატრთა სამედიცინო საზოგადოება, წევრი

• დედის მზრუნველობის დეფიციტის გავლენა ბავშვის განვითარებაზე, მის ქცევასა და ჯანმრთელობის მდგომარეობაზე : მონოგრაფია (ავტორი). - თბილისი, თბილ. სახელმწ. სამედ. უნ-ტი, 2011. - 119გვ.. - ISBN: 978-9941-0-3253-0