გრიგოლ კოკელაძე

დაბადების ადგილი: წყალტუბოს რაიონი, სოფელი პატრიკეთი. 

დაამთავრა თბილისის სახელმწიფო უნივერსიტეტი ფილოლოგიური ფაკულტეტი 1932 წელს; ვანო სარაჯიშვილის სახელობის თბილისის სახელმწიფო კონსერვატორია 1937 წელს(საკომპოზიტორო).

1928 წელს დაიწყო მუსიკალურ–პედაგოგიური მოღვაწეობა; სხვადასხვა დროს მუშაობდა მუსიკალურ დაწესებულებებსა და მხატვრულ კოლექტივებში; 1937–1943წწ. და 1945 წლიდან იყო ხალხური შემოქმედების სახლის(ახლანდელი ფოლკლორის სახელმწიფო ცენტრი) დირექტორი; 1941-48წწ. იყო საქართველოს სიმღერისა და ცეკვის სახელმწიფო ანსამბლის დირექტორი და სამხატვრო ხელმძღვანელი; 1954–1955წწ. იყო საქართველოს ფილარმონიის დირექტორი და სამხატვრო ხელმძღვანელი; მის ნაწარმოებებს შორისაა: კანტატა "სიმღერა სამგორზე"(1953), "კანტატა სამშობლოზე"(1955), "კანტატა საქართველოზე"(1971), სიმფონიური სიუიტა(1957), სიმღერები, გუნდები, მუსიკა სპექტაკლებისათვის; დაამუშავა სიმღერები "სისატურა"(1932), "გუდისა"(1933); მას ჩაწერილი და ნოტებზე გადატანილი აქვს ასობით ქართული ხალხური სიმღერა, რომელთა ხელნაწერები ფოლკლორის სახელმწიფო ცენტრის არქივში ინახება, გამოცემული აქვს ხალხური სიმღერების არა ერთი სანოტო კრებული: "ქართული ხალხური სიმღერები"(1956), "50 ქართული ხალხური სიმღერა"(1979, თბილისი), "30 ქართული ხალხური სიმღერა"(1981, თბილისი), "100 ქართული ხალხური სიმღერა"(1984, თბილისი), "ზოგი რამ ქართულ ცეკვაზე" (1983, თბილისი).

წყარო: Композиторы грузии: Издание второе. – тб., 1973. - გვ. 118; folk.gov.ge

• საქართველოს კომპოზიტორთა კავშირი, თავმჯდომარე (1951-1952)
• საქართველოს კომპოზიტორთა კავშირი, თავმჯდომარის მოადგილე (1932-1936)

• 1946 - საქართველოს ხელოვნების დამსახურებული მოღვაწე
• შრომის წითელი დროშის ორდენი
• საქართველოს სახალხო არტისტი