ვლადიმერ კურტიდი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1937 წელს.

1936 წლიდან ასწავლიდა  თეორიულ საგნებს თბილისის სხვადასხვა სამუსიკო სკოლებსა და სასწავლებლებში, ასევე ეწეოდა ადმინისტრაციულ საქმიანობას; 1952–1954წწ. იყო თბილისის X სამუსიკო სკოლის დირექტორი; 1954–1970წწ. პედაგოგი, მოგვიანებით თბილისის ხელოვნების თვითშემოქმედების კულტსაგანმანათლებლო სასწავლებლის დირექტორის მოადგილე; იგი ავტორია ორი მუსიკალური კომედიისა: "ხაჯარათი"(1939, რომელიც იყო საქართველოში პირველი ნიმუში ამ ჟანრში), "ქორწილი სიკვდილის შემდეგ"(1958), სიმფონიური ნაწარმოებები: კონცერტები ვიოლინოსა და ორკესტრისათვის(1948, 1951, 1977, 1979); კამერულ–ინსტრუმენტული ნაწარმოებები: ოთხი საბავშვო პიესა ფორტეპიანოსათვის(1945), "ნანა" პიესა ფორტეპიანოსათვის 4 ხელში(1947), სამი პიესა ფორტეპიანოსათვის 4 ხელში(1950), 36 საბავშვო პიესა ფორტეპიანოსათვის(1950), ექვსი სონატინა ფორტეპიანოსათვის(1963), ეტიუდები ფორტეპიანოსათვის(1968), ვარიაციები ფორტეპიანოსათვის(1970), ვალსი ორი ფორტეპიანოსათვის(1972), თემა ვარიაციებით 2 კლარნეტისა და ფორტეპიანოსათვის(1974), ეკსპრომტი ვიოლინოსა და ფორტეპიანოსათვის(1978); კამერულ–ვიკალური ნაწარმოებები: "რაშა–ორერა" სიმღერა ვოკალური კვარტეტისა და ფორტეპიანოსათვის(1965), სამი საბვშვო სიმღერა ხმისა და ფორტეპიანოსათვის(1968), "სიმღერა მეგობრობაზე" სოლისტებისა და ვოკალური კვარტეტისათვის(1975); საგუნდო ნაწარმოებები: "მრავალჟამიერ" შერეული გუნდისა და ორკესტირსათვის(1952), "სიმღერა ყმაწვილ სპორტსმენებზე" ორხმიანი საბავშვო გუნდისა და ფორტეპიანოსათვის(1955), "სალამი, ჩიტუნებო" ვაჟთა ოთხხმიანი გუნდის ა კაპელასათვის(1960), "ხორუმი" ოთხხმიანი გუნდის ა კაპელასათვის(1960), "დედა" სამხმიანი ბავშვთა გუნდისა და ფორტეპიანოსათვის(1962), "გაზაფხული" ოთხხმიანი ბავშვთა გუნდისა და ფორტეპიანოსათვის(1973), "იმერული სახუმარო" ოთხხმიანი ვაჟთა გუნდისა და ფორტეპიანოსათვის(1974); მუსიკა სპექტაკლებისათვის.

წყარო: Композиторы грузии: Издание второе. – тб., 1973. - გვ. 123; Композиторы и музыковеды грузии. – тб., 1984. - გვ. 230

• საბჭოთა კავშირის კომპოზიტორთა კავშირი, წევრი (1933-1982)