ხვედრი ინასარიძე

დაბადების ადგილი: ქ. პარიზი.

დაამთავრა თბილისის სახელმწიფო უნივერსიტეტის მათემატიკის ფაკულტეტი 1958 წელს. 1958-1961წწ. ამავე უნივერსიტეტის ალგებრა-გეომეტრიის კათედრის ასპირანტი.

1961-1989წწ. მათემატიკის ინსტიტუტის უმცროსი, უფროსი და მთავარი მეცნიერ-თანამშრომელი; 1989 წლიდან ამავე ინსტიტუტში ალგებრის განყოფილების გამგე; 1987-2006წწ. თბილისის სახელმწიფო უნივერსიტეტის ალგებრა-გეომეტრიის კათედრის პროფესორი; 1990-1991წწ. საქართველოს პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა – თავისუფალი საქართველო", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 2006-2008წწ. არასამთავრობო ორგანიზაცია "მეცნიერებისა და ტექნოლოგიის ეროვნული ცენტრის" გამგეობის თავმჯდომარე; 2008 წლიდან არასამთავრობო ორგანიზაცია "თბილისის მათემატიკური მეცნიერებების ცენტრის" გამგეობის თავმჯდომარე. ავტორია წიგნებისა: "Agebraid K-theory"(1995), "Von-abelian Homologica Algebra and its Applications"(1997). 1998 წელს დააარსა ახალი საერთაშორისო მათემატიკური ელექტრონული ჟურნალი. 60 სამეცნიერო ნაშრომის ავტორია. ფიზიკა-მათემატიკის მეცნიერებათა დოქტორი. მიღებული აქვს ირანის მეცნიერებისა და ტექნოლოგიის საერთაშორისო ხარიზმის პირველი პრემია მათემატიკის დარგში (1999). ალგებრის ქართული სამეცნიერო სკოლის ფუძემდებელი. მწერალ ნიკოლოზ ინასარიძის შვილი.

საკანდიდატო დისერტაციის თემა - "ტოპოლოგიური სივრცეების და მათი უწყვეტი ასახვების სასრული რიგის ნაზრდები", დაიცვა 1966 წელს; სადოქტორო დისერტაციის თემა - "კოჰომოლოგიები მნიშვნელობით ნახევარჯგუფებში", დაიცვა 1970 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 158; ივანე ჯავახიშვილის სახელობის თბილისის სახელმეიფო უნივერსიტეტი: tsu.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 182; საქართველოს პარლამენტის ვებგვერდი: parliament.ge; youtube.com

• არასამთავრობო ორგანიზაცია "თბილისის მათემატიკური მეცნიერებების ცენტრი", გამგეობის თავმჯდომარე
• ევროპის მათემატიკოსთა საზოგადოება, წევრი
• საქართველოს მათემატიკოსთა საზოგადოება, წევრი (1990-1997)
• საქართველოს მეცნიერებათა აკადემია, აკადემიკოსი (2001-)
• საქართველოს მეცნიერებათა აკადემია, წევრ-კორესპონდენტი (1983-2001)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• 1998 - ანდრია რაზმაძის სახელობის პრემია