გია თორთლაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1983 წელს, ასპირანტურა 1986 წელს.

1977-2007წწ. მუშაობდა არქეოლოგიური კვლევის ცენტრის მეცნიერ-თანამშრომლად; 150-მდე ასვლის მონაწილე კავკასიონზე, პამირსა და ტიან-შანზე; მინიჭებული აქვს "თოვლის ჯიქის" წოდება (1991); პირველი ქართველი ალპინისტი, რომელმაც დაიპყრო ჩრდილო და სამხრეთ ამერიკის უმაღლესი მწვერვალები მაკ კინლი და აკონკაგუა, აგრეთვე, აფრიკის უმაღლესი მწვერვალი კილიმანჯარო; მერაბ ნემსიწვერიძესთან ერთად, უჟანგბადოდ ავიდა შიშა ჰანგმაზე (1992 ); მისი ხელმძღვანელობით პირველმა ქართულმა ექსპედიციამ დალაშქრა დჰაულაგირი (1995); 1999 წლის 26 მაისს გია თორთლაძემ, მერაბ ხაბაზმა, მამუკა ციხისელმა, მერაბ ნემსიწვერიძემ და ირაკლი უგულავამ ქართველთაგან პირველებმა დალაშქრეს ევერესტი; 2001 წელს ინტერნაციონალურ ჯგუფთან ერთად მეორედ დაიპყრო ევერესტი. ზამთრის პერიოდში შესრულებული აქვს მეხუთე კატეგორიის 7 ასვლა; 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2008-2012წწ. საქართველოს მე-7 მოწვევის პარლამენტის წევრი, საარჩევნო ბლოკი: "გაერთიანებული ოპოზიცია (ეროვნული საბჭო, მემარჯვენეები)", საარჩევნო ფორმა: პარტიული სიით; 2009-2010წწ. საქართველოს სახელმწიფო საკონსტიტუციო კომისიის წევრი. მიღებული აქვს ნეპალის სამეფო ორდენი (2003). ისტორიის მეცნიერებათა დოქტორი. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 148; საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 176; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.199

• ალპიური კლუბი "იეტი", პრეზიდენტი (1990-)
• მთამსვლელთა საერთაშორისო ასოციაცია, პრეზიდენტი (2001-)
• პოლიტიკური პარტია "ერთიანი ნაციონალური მოძრაობა", წევრი
• საქართველოს დემოკრატიული პარტია, დამფუძნებელი, თავმჯდომარე
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის ფრაქცია "დემოკრატიული ფრონტი", წევრი (2005-2008)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", წევრი (2004-2005)
• საქართველოს მე-7 მოწვევის პარლამენტი, წევრი (2008-2012)
• საქართველოს მე-7 მოწვევის პარლამენტის ფრაქცია "ძლიერი საქართველო - ქრისტიან-დემოკრატები", ფრაქციის თავმჯდომარე (2008-2008)
• საქართველოს მე-7 მოწვევის პარლამენტის ფრაქცია "ძლიერი საქართველო", ფრაქციის თავმჯდომარე (2008-2011)
• საქართველოს მთამსვლელთა ფედერაცია, პრეზიდენტი (1996-)

• 1999 - ვახტანგ გორგასლის II ხარისხის ორდენი
  1999 წლის 12-26 მაისს, პირველად საქართველოს ისტორიაში, მსოფლიოს უმაღლეს მწვერვალზე -ევერესტზე ურთულესი მარშრუტით ასვლისას გამოჩენილი გამბედაობის, გულადობისა და მაღალი პროფესიონალიზმისათვის, ალპინიზმის პოპულარიზაციისა და ქართული ალპინისტური სკოლის საერთაშორისო სარბიელზე წარმოჩენაში შეტანილი პირადი დიდი წვლილისათვის
• 1997 - ღირსების ორდენი