მამუკა გოლეთიანი

დაბადების ადგილი: ქ. ცაგერი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1981 წელს.

1981–1982წწ. იყო თბილისის N1 საავადმყოფოს III ქირურგიული განყოფილების ინტერნი; 1982–1986წწ. ცაგერის რაიონული საავადმყოფოს ექიმი–ქირურგი; 1986–1989წწ. უკრაინის (ქ. ხარკოვი) ექიმთა დახელოვნების ინსტიტუტის ორდინატორი, დაუსწრებელი სწავლების ასპირანტი; 1989–1992წწ. თბილისის N8 კლინიკური საავადმყოფოს ქირურგი; 1992 წლიდან არის ქალაქის N1 კლინიკური საავადმყოფოს ზოგადი ქირურგიის კლინიკის ქირურგ–ასისტენტი. ავტორია 24 სამეცნიერო ნაშრომის. არის ექიმი–ქირურგი, მედიცინის მეცნიერებათა კანდიდატი, დოქტორი.

საკანდიდატო დისერტაციის თემა - "ღვიძლგარეშე სანაღვლე გზების მასტენოზირებული და მაობლიტირებელი დაავადებების ქირურგიული მკურნალობა ხანშიშესულთა და მოხუცთა ასაკში", დაიცვა 1990 წელს.

 წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.77

• საქართველოს ქირურგთა საზოგადოება, წევრი
• ქირურგთა განვითარების საქველმოქმედო ფონდი, წევრი