ცეცილია კალანდაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიი ფაკულტეტი 1938 წელს.

1937-1938წწ. მუშაობდა თბილისის სახელმწიფო უნივერსიტეტის ბიბლიოთეკის ბიბლიოგრაფიული განყოფილების გამგედ; 1939-1941წწ. თსუ ისტორიის კათედრის ასპირანტი; 1934-1945წწ. იმელის საქართველოს ფილიალში მეცნიერ თანამშრომლად; 1945-1950წწ. მეცნიერებათა აკადემიის პრეზიდიუმთან არსებული მეორე მსოფლიო ომის ისტორიის შემსწავლელი კომისიის უფროსი მეცნიერ თანამშრომელი; 1948-1949წწ. მივლინებული იყო მოსკოვში საზოგადოებრივ მეცნიერებათა აკადემიის დოქტურანტურაში; 1950 წლიდან საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის უფროსი მეცნიერ თანამშრომელი; 1969 წლიდან იყო ინსტიტუტის საკვალიფიკაციო საბჭოს სწავლული მდივანი; 1996 წლიდან აღმოსავლეთ ევროპისა და ამიერკავკასიის ხალხებთან საქართველოს ურთიერთობის განყოფილების გამგე; ორმოციანი წლებიდან მუშაობა დაიწყო ქართველი ერის ისტორიის საკვანძო საკითხების მეცნიერული შესწავლის საქმეში; საყურადღებო მონოგრაფიებია: "ქართველების მონაწილეობა რუსეთის კულტურულ და საზოგადოებრივ ცხოვრებაში XIX საუკუნის პირველ ნახევარში"(ორ ნაწილად), "საქართველოს რუსეთთან შეერთების ისტორიოგრაფია"; სწავლობდა XX საუკუნის 20-30-ანი წლების საქართველოში მიმდინარე კულტურული აღმშენებლობის საყურადღებო და წინააღმდეგობრივ მეცნიერულ პროცესებს; დიდ ყურადღებას უთმობდა ქართველი ერის მეზობელ ხალხებთან კულტურული ურთიერთობის პრობლემების შესწავლას; არა ერთი საინტერესო ნაშრომი აქვს გამოქვეყნებული როგორც ჩვენს ქვეყანაში, ისე მის ფარგლებს გარეთ; მონაწილეობა აქვს მიღებული მრავალ საერთაშორისო სესიასა და სიმპოზიუმზე;  სამოცამდე სამეცნიერო გამოკვლევის ავტორი; არაერთი სამეცნიერო კადრის აღმზრდელი. ისტორიის მეცნიერებათა დოქტორი, პროფესორი.

საკანდიდატო დისერტაციის თემა - "საქართველოს შეერთება რუსეთთან", დაიცვა 1949 წელს.

სადოქტორო დისერთაციის თემა - "კულტურული რევოლუცია საქართველოში 1921-1941წწ.", დაიცვა 1969 წელს. 

• ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის საკვალიფიკაციო საბჭო, თავმჯდომარის მოადგილე

• 1982 - საქართველოს მეცნიერებათა დამსახურებული მოღვაწე

• Культурное строительство в Грузинской ССР (1921-1932 гг.) : Документы и материалы (შემდგენელი) // Т. 1 : Документы и материалы. - Тбилиси, Сабчота Сакартвело, 1986. - 465с.
• Участие грузин в культурной и общественной жизни России в 1-й половине XIX века (ავტორი) // Ч. 2. - Тбилиси, Мецниереба, 1984. - 223с.
• Участие грузин в культурной и общественной жизни России в первой половине XIX века (ავტორი) // Ч. 1. - Тбилиси, Мецниереба, 1979. - 194с.
• Культурная революция в Грузии (ავტორი). - Тбилиси, Изд-во АН Груз. ССР, 1963. - 109с.