ბარბარე გორგოშიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1975 წელს.

1975–1976წწ. იყო ცენტრალური კლინიკური საავადმყოფოს ექიმი–ინტერნი; 1976–1978წწ. რუსთავის N1 პოლიკლინიკის უბნის თერაპევტი; 1978–1980წწ. ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის კლინიკური ორდინატორი; 1980 წლის დეკემბრიდან ამავე ინსტიტუტის პოლიკლინიკის ექიმი. ავტორია 23 სამეცნიერო ნაშრომის. ბაკურიანის და ჩაქვის საერთაშორისო სკოლა-კონფერენციების საორგანიზაციო კომიტეტის თავმჯდომარის მოადგილე საზოგადოებასთან ურთიერთობის დარგში. მისი საექიმო საქმიანობის ძირითადი მიმართულებაა: ნებისმიერი გენეზის უნაყოფობის დიაგნოსტიკა და მკურნალობა(მათ შორის აუტოიმუნური უნაყოფობა მომატებული ASA); ნივთიერებათა ცვლის დარღვევის დიაგნოსტიკა და წონის კორექცია მტანჯველი დიეტების გარეშე; ქალის სასქესო სისტემის ანთებითი დაავადებების და სქესობრივი გზით გადადებული ინფექციების დიაგნოსტიკა და მკურნალობა; კლიმაქტერული სინდრომის მკურნალობა; საშვილოსნოს მიომის, საკვერცხეების კისტების, ენდომეტრიოზის დიაგნოსტიკა და მკურნალობა(მათ შორის რეზუსკონფლიქტით, აუტოიმუნური გენეზით და ვირუსული ინფექციებით გამოწვეული); ფარისებრი ჯირკვლის დაავადებების დიაგნოსტიკა და მკურნალობა; ჭარბთმიანობის, მტკივნეული მენსტრუაციის და მენსტრუალური ციკლის დარღვევების გამომწვევი მიზეზების დიაგნოსტიკა და მკურნალობა; ფალოპის მილების ნაწილობრივი ან სრული გაუვალობის მკურნალობა ფიტოთერაპიის(ფერტილოგენი) საშუალებით. ექიმი–რეპროდუქტოლოგი, ენდოკრინოლოგი, მედიცინის აკადემიური დოქტორი.

საკანდიდატო დისერტაციის თემა - "იმუნორეაქტიული ინსულინის, ზრდის ჰორმონის და კორტიზოლის სეკრეციის თავისებურებანი ჰიპერპროლაქტინემიის სინდრომით დაავადებულებში", დაიცვა 1984 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.78

• ენდოკრინოლოგთა საზოგადოება, წევრი