The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



დავით თევზაძე

დავით თევზაძე
დაბადების თარიღი:30 იანვარი, 1949  (69 წლის)
კატეგორია:თანამდებობის პირი, სამხედრო პირი, ფილოსოფოსი

ბიოგრაფია

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1971 წელს; 1974 წელს ფილოსოფიის ინსტიტუტის ასპირანტურა; 1978 წელს თბილისის უცხო ენათა ინსტიტუტის ინგლისური ენისა და ლიტერატურის ფაკულტეტი; 1980 წელს სინქრონული თარგმანის უმაRლესი კურსები; 1994 წელს ნატოს სამხედრო კოლეჯი(რომი); 1995-1996წწ. უსაფრთხოების პრობლემათა კვლევის ევროპული ცენტრი, სტრატეგიული გამოკვლევებისა და თავდაცვითი ეკონომიკის კოლეჯი(გერმანია); 1996-1997წწ. აშშ არმიის სამეთაურო გენერალური შტაბის კოლეჯი.

1974-1995წწ. იყო ფილოსოფიის ინსტიტუტის უმცროსი, უფროსი, წამყვანი მეცნიერ-თანამშრომელი; 1980-1992წწ. თბილისის სახელმწიფო უნივერსიტეტის და თბილისის სახელმწიფო პოლიტექნიკური ინსტიტუტის ფილოსოფიის ისტორიისა და მათემატიკური ლოგიკის ლექტორი, დოცენტი; 1992 წელს ბატალიონ "ორბის" მეთაური; 1992-1993წწ. დაზვერვის ასეულის მეთაური; 1993 წელს I ბრიგადის მეთაური; 1993-1994წწ. N10143 სამხედრო ნაწილის მეთაური; 1994 წელს თავდაცვის სამინისტროს სამმართველოს უფროსი; 1998-2004წწ. საქართველოს თავდაცვის მინისტრი. არის 50-მდე სამეცნიერო ნაშრომის ავტორი.

საკანდიდატო დისერტაციის თემა - "ლუისის მნიშვნელობის თეორიის 4 მოდუსი", დაიცვა 1982 წელს(კიევი).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 143


ორგანიზაციის, ასოციაციის ან ჯგუფის წევრი

  • ევროპულ იდეათა კვლევის საერთაშორისო საზოგადოება, წევრი (1989-)
  • საქართველოს კარატეს ფედერაცია, დამფუძნებელი და პირველი პრეზიდენტი (1989-)

ჯილდოები, პრემიები და პრიზები

  • 1993 - ვახტანგ გორგასლის I ხარისხის ორდენი
  • ქ. ოევენვორტის(აშშ) საპატიო მოქალაქე

ბიბლიოგრაფია


გააზიარე: