ნინო ზაალიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის გრაფიკის განყოფილება 1970 წელს, 1976 წელს კი პეტერბურგის რეპინის სახელობის სამხატვრო ინსტიტუტის ხელოვნებათმცოდნეობის ფაკულტეტი.

1970 წლიდან მონაწილეობდა გამოფენებში; 1970-1972წწ. მუშაობდა საქართველოს ტელევიზიაში; 1972 წლიდან თბილისის სახელმწიფო სამხატვრო აკადემიის ხელოვნების ისტორიისა და თეორიის კათედრის დოცენტია;  მუშაობდა სახვითი ხელოვნების მრავალ დარგში; გაფორმებული აქვს მრავალი ათეული წიგნი როგორც ქართველი მწერლების, ასევე უცხოელი ავტორების: ი. ცურტაველის "შუშანიკის წამება", უ. შექსპირი "რომეო და ჯულიეტა", "ქართული ზღაპრები", "ფრანგული ზღაპრები", ვ. ჰიუგო - "პარიზის ღვთისმშობლოს ტაძარი", ვ. ჰაუფის "ზღაპრები" და სხვ. შესრულებული აქვს ოფორტის სერიები: "შინ დარჩენილები", "რაღაც საიდუმლოებით დაფარული", "ბერძნული მოტივები", "მუსიკა ქუთაისის ბულვარში" და სხვ. შექმნილი აქვს ფერწერული ტილოები: "ბანოვანები არქეოპოლისიდან", "კარნავალი", "საზეიმო პროცესია". პლაკატები: "სერვანტესი", "მხატვრის კვირეული", "თ. აბაკელია", "საბერძნეთი თანამედროვე ქართულ ხელოვნებაში" და სხვ. მისი ნამუშევრები დაცულია  მოსკოვში, გერმანიის, ინგლისის, რუსეთის, საქართველოს კერძო კოლექციებში, ქუთაისის სამხატვრო გალერეაში.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 130; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.281;  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 232-233

• საქართველოს მხატვართა კავშირი, თავმჯდომარე (1996-)

• 1998 - ღირსების მედალი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის