ვალერიან ვაშაკიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1979 წელს და ასპირანტურა 1983 წელს.

1973-1974წწ. მუშაობდა მაუდ-კამვოლის კომბინატში მუშა-მეკუჭნავედ; 1979 წლიდან ეწეოდა სამეცნიერო-პედაგოგიურ მოღვაწეობას, იყო ისტორიის, არქეოლოგიისა და ეთნოგრაფიის ინსტიტუტის უფროსი მეცნიერ-თანამშრომელი; პირველი არაფორმალური ორგანიზაციის - "ილია ჭავჭავაძის საზოგადოების" ერთ-ერთი დამფუძნებელი, მოგვიანებით - გამგეობის წევრი. ცხინვალის რეგიონში და აფხაზეთში საქართველოს ტერიტორიული მთლიანობისათვის წარმოებული ბრძოლების მონაწილე; 1992 წელს სახელმწიფო საბჭოს წევრი; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "ილია ჭავჭავაძის საზოგადოება", საარჩევნო ფორმა: პარტიული სიით; 1992-1995წწ. ლტოლვილთა და განსახლების კომიტეტის თავმჯდომარე; 1995-2003წწ. ლტოლვილთა და განსახლების მინისტრი; 2018 წლიდან ივანე ჯავახიშვილის სახელობის ისტორიისა და ეთნოლოგიის ინსტიტუტის დირექტორის მოადგილე. 50-ზე მეტი სამეცნიერო ნაშრომისა და სამი მონოგრაფიის ავტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 126; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.159

• ილია ჭავჭავაძის საზოგადოება, წევრი (1987-)
• საქართველოს მე-3 მოწვევის პარლამენტი, წევრი (1992-)

• ვახტანგ გორგასლის II ხარისხის ორდენი
• ვახტანგ გორგასლის III ხარისხის ორდენი

• კავკასიის ისტორია : 2 ტომად (თანაავტორი) // ტომი 1 . - თბილისი, არტანუჯი, 2023. - 824გვ.. - ISBN: 9789941504440
• საზღვრისპირა მოსახლეობა ძველად და ახლა (კახეთი) : მონოგრაფია (თანაავტორი). - თბილისი, 2022. - 304გვ.. - ISBN: 9789941503627
• ყოველი საქართველო : ქართული სახელმწიფოს ისტორიული საზღვრები უძველესი დროიდან დღემდე :საკითხავი წიგნი (თანაავტორი). - თბილისი, ფონდი "ქართველი", 2014. - 156გვ.. - ISBN: 9789941066368
• საისტორიო-წყაროთმცოდნეობითი ძიებანი : კრებული (ავტორი). - თბილისი, უნივერსალი, 2014. - 203გვ.. - ISBN: 9789941223501
• ელინისტური ხანის ქართლის სამეფოს სოციალური ისტორიიდან (ავტორი). - თბილისი, მეცნიერება, 1991. - 162გვ.