დათო ევგენიძე

დაბადების ადგილი: ქ. თბილისი.

დაამთავრა მოსკოვის პ. ჩაიკოვსკის სახელობის სახელმწიფო კონსევატორია 1982 წელს; 1985 წელს ასპირანტურა.

1985-1986 წლებში მისი ნაწარმოებები იდგმებოდა დიდი თეატრის სცენაზე; 1987 წელს განახორციელა პირველი წარმოდგენები ნიუ-იორკში; 1988 წლიდან კონტრაქტით მუშაობდა საფრანგეთში, ესპანეთში, აშშ-ში, მონაწილეობდა ჯაზ-ფესტივალებში. დაწერილი აქვს სიმღერები, 5 საგუნდო, 2 სიმებიანი კვარტეტი, საფორტეპიანო პრელუდიები, რომანსები, სონატა ვიოლონჩელოსთვის და სხვ. მიღებული აქვს საბჭოთა კავშირის მუსიკოს შემსრულებელთა კონკურსის გრან-პრი (1983), პრიზი "მანა" (1996), წლის საუკეთესო მუსიკოსის წოდება (1997, თბილისი). წერს მუსიკას სპექტაკლებისათვის, ფილმებისათვის, მონაწილეობს საერთაშორისო კონკურსებში. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 121; წიგნი ღირსებისა: ტ. 5./ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.17

• 2000 - ღირსების ორდენი