ოდისეი დიმიტრიადი

დაბადების ადგილი: ქ. ბათუმი.

დაამთავრა თბილისის სახელმწიფო კონსერვატორია საკომპოზიციო განხრით 1930 წელს; 1936 წელს ქ. ლენინგრადის სახელმწიფო კონსერვატორიის სადირიჟორო განყოფილება.

1937-1947წწ. თბილისის ოპერისა და ბალეტის თეატრის დირიჟორი; 1947-1952წწ. საქართველოს სიმფონიური ორკესტრის მთავარი დირიჟორი; 1952-1965წწ. თბილისის ოპერისა და ბალეტის თეატრის მთავარი დირიჟორი; 1965-1973წწ. სსრკ დიდი თეატრის დირიჟორი; 1973-1991წწ. საქართველოს მთავარი დირიჟორი და თბილისის სახელმწიფო კონსერვატორიის პროფესორი. დადგმული აქვს თითქმის ყველა ქართული ოპერა; შესრულებული აქვს ქართველ კომპოზიტორთა სიმფონიური ნაწარმოებები; საოპერო სპექტაკლები დადგმული აქვს არგენტინაში და მექსიკაში; დირიჟორობდა ფილარმონიულსა და საოპერო სიმფონიურ ორკესტრებს მსოფლიოს სხვადასხვა ქვეყნებში, მათ შორის: სსრკ დიდი თეატრის სიმფონიურ ორკესტრს, ქ. ვენის სახელმწიფო ოპერის ორკესტრს, ათენის, სალონიკის, ბერლინის, პრაღის, ბუდაპეშტის, ბუხარესტის, სოფიის, ბუენოს-აირესის და სხვ. ორკესტრებს. მიღებული აქვს არაერთი სახელმწიფო ჯილდო.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 115; რუსეთის ცნობილი ბერძნეის ვებ-გვერდი: famous-greeks.ru; საქართველო: ენციკლოპედია: ტ.2. – თბ., 2012. – გვ.433; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.125

• 1996 - ღირსების ორდენი
• 1993 - ღირსების ორდენი
• 1980 - თბილისის საპატიო მოქალაქე
• 1958 - სსრკ სახალხო არტისტი
• შოთა რუსთაველის სახელობის სახელმწიფო პრემია
• ათენის საპატიო მოქალაქე
• ბათუმის საპატიო მოქალაქე
• ზაქარია ფალიაშვილის სახელობის პრემია