ალექსანდრე გუგუციძე

დაბადების ადგილი: სოფელი როხი, ბაღდათის რაიონი. 

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954-1963წწ. იყო ფოთის მეზღვაურთა საავადმყოფოს ქირურგიული განყოფილების ორდინატორი; 1963-1966წწ. თბილისის პირველი კლინიკური საავადმყოფოს გულ-მკერდის ქირურგიის განყოფილების ორდინატორი; 1966-1977წწ. ლანჩხუთის ცენტრალური საავადმყოფოს ქირურგიული განყოფილების გამგე, რაიონის მთავარი ქირურგი; 1977-1991წწ. საქართველოს ჯანდაცვის სამინისტროსთან არსებული მე-4 მთავარი სამმართველოს საავადმყოფო-პოლიკლინიკის ქირურგიული განყოფილების გამგე; 1991-1996წწ. ტრავმატოლოგიისა და ორთოპედიის ცენტრის ქირურგი-კონსულტანტი; 1996 წლიდან ოჯახის ექიმის სამედიცინო ინსტიტუტის სამკურნალო ფაკულტეტის დეკანი. ექიმი-ქირურგი, მედიცინის მეცნიერებათა კანდიდატი. დაჯილდოებულია სხვადასხვა მედლით (1971, 1976, 1981).

საკანდიდატო დისერტაციის თემა - "კუდმახვილა ჭიით გამოწვეული აპენდიციტის კლინიკისა და დიფერენციული დიაგნოზის საკითხისათვის", დაიცვა 1966 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.82

• სამედიცინო-სოციოლოგიური აკადემია, წევრ-კორესპონდენტი

• 1986 - რესპუბლიკის დამსახურებული ექიმი