თამარ დეკანოსიძე

დაბადების ადგილი: დაბა ხარაგაული.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1943 წელს.

1943-1969წწ. იყო ამავე ინსტიტუტის პათოლოგიური ანატომიის კათედრის ასისტენტი, დოცენტი, პროფესორი; 1969-1973წწ. ჰისტოლოგიის და ემბრიოლოგიის კათედრის გამგე; 1973-1996წწ. პათოლოგიური ანატომიის კათედრის გამგე; 1943-1990წწ. მუშაობდა თბილისის სხვადასხვა დაწესებულებების პროზექტორად; 1990-1991წწ. საქართველოს რესპუბლიკის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: პარტიული სიით; ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი). 1980-2000წწ. საქართველოს ჯანდაცვის სამინისტროს მთავარი პათოლოგანატომი. ავტორია 250-ზე მეტი სამეცნიერო ნაშრომისა, გამოქვეყნებული აქვს 6 მონოგრაფია. 1999 წელს მიენიჭა წლის საუკეთესო მასწავლებლის პრემია. მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ნერვული სისტემის სხვადასხვა განყოფილებების სტრუქტურული ცვლილებები", დაიცვა 1955 წელს; სადოქტორო დისერტაციის თემა - "შეგუებითი და კომპენსაციური პროცესების მორფოლოგიური საფუძვლები", დაცვა 1964 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 112; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.148; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.277

• ათეროსკლეროზის, გერონტოლოგთა საერთაშორისო საზოგადოება, წევრი
• საქართველოს მეცნიერებათა აკადემია, წევრ-კორესპონდენტი (1983-1999)
• საქართველოს პათოლოგ-ანატომთა სამეცნიერო საზოგადოება, თავმჯდომარე (1984-1999)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• 2002 - თბილისის საპატიო მოქალაქე
• 1997 - ღირსების ორდენი
• 1995 - ღირსების ორდენი
• 1981 - შრომის წითელი დროშის ორდენი
• 1962 - საპატიო ნიშნის ორდენი
• 1962 - ივანე თარხნიშვილის სახელობის პრემია