ბასილი უჯარმელ–ჭყონდიდელი

ბასილ უჯარმელ–ჭყონდიდელს მეფე დავით–ულუს საქართველოში არ ყოფნის დროს სახელმწიფო მართვა ჰქონდა მინდობილი. ხელმძღვანელობდა საქართველოს მთავრობის იმ ღონისძიებათა შემუშავებასა და განხორციელებას, რომელთა მიზანი იყო XIII საუკუნის შუა წლების დიდი ეკონომიური კრიზისის შენელება. ბასილის წინადადებით გაღარიბებულ მოსახლეობას დაურიგდა ეკლესიის კუთვნილი მიწების ნაწილი. ამ ნიადაგზე ბასილს გადაემტერნენ ეკლესიის მაღალი წრეები, რომლებმაც მეფე დავით–ულუ დაარწმუნეს ბასილის ორგულობაში. ცრუ ბრალდების საფუძველზე ბასილი დააპატიმრეს და გაუსამართლებლად ჩამოახრჩვეს. საქართველოს სამეფოს მწიგნობართუხუცესი 1248–1265 წლებში.

წყარო: საქართველო: ენციკლოპედია: ტ.I.–თბ., 1997.–გვ.364