ბასილი

XI საუკუნის ქართველი კალიგრაფი. გადაწერა გრიგოლ ღვთისმეტყველის თხზულებათა კრებული, რომლის ერთ-ერთ ანდერძში ვკითხულობთ: "ლოცვა ყავთ უღირსისა და ფრიად ცოდვილისა უცბად მჩხრეკალისა ბასილისათვს". კრებული ლამაზი ნუსხურით, ნაკლებად გადაბმული, მკაფიო ასოებით არის ნაწერი.  ყოველი თხზულების დასაწყისი საზედაო ასოებითა და კარგად მოფიქრებული ფერწერული სამკაულით  არის გაფორმებული. ფურცლის ჩარჩოები დახვეწილი გეომეტრიული ფორმისაა. თედო ჟორდანიას მიერ ხელნაწერი 1031 წლით არის დათარიღებული. 

წყარო: საქართველო: ენციკლოპედია: ტ.I.–თბ., 1997.–გვ.363