ოლეგ ბასილაშვილი

დაბადების ადგილი: ქ. მოსკოვი.

დაამთავრა მოსკოვის სამხატვრო აკადემიურ თეატრთან არსებული ვ. ნემიროვიჩ–დანჩენკოს სახელობის სკოლა–სტუდია1956 წელს.

მუშაობდა ლენინგრადის კომკავშირის სახელობის თეატრში; 1959 წლიდან იყო ლენინგრადის მაქსიმ გორკის სახელობის დიდი დრამატული თეატრის წამყვანი მსახიობი; 1956 წლიდან იღებდნენ კინოში; თეატრში შესრულებული აქვს შემდეგი როლები: ხლესტაკოვი(ნ. გოგოლის "რევიზორი"), ანდრია პროზოროვი და ვოინიცკი(ა. ჩეხოვის "სამი და", "ძია ვანია"), ლაფჩენკო(ა. არბუზოვის "ირკუტსკული ამბავი"), სერპუხოვი(ლ.ტოლსტოის "ცხენის ამბავი") და სხვ. კინოში შესრულებული როლებია: ვასილი("ძოწის სამაჯური", 1964), ლოკარტი("ელჩთა შეთქმულება", 1965), კარენინი("ცოცხალი ლეში", 1965), ანდრია ბუზიკინი("საშემოდგომო მარათონი", 1979), პლატონი("ვაგზალი ორისათვის",1982) და სხვ.

წყარო: საქართველო: ენციკლოპედია: ტ.I.–თბ., 1997.–გვ.363

• რსფსრ , სახალხო დეპუტატი (1990-1993)
• რუსეთის კინემატოგრაფიული ხელოვნების აკადემია "ნიკა" , აკადემიკოსი
• რუსეთის სამხატვრო აკადემია, საპატიო წევრი
• სსრკ უმაღლესი საბჭო, დეპუტატი

• 2010 - ბრწყინვალების საპრეზიდენტო ორდენი (საქართველო)
  ხელოვნების განვითარებაში შეტანილი წვლილისათვის
• 1984 - სსრკ სახალხო არტისტი
• 1977 - რსფსრ-ს სახალხო არტისტი
• 1977 - რუსეთის ფედერაციის სახელმწიფო პრემია, კინოფილმ "სამსახურეობრივი რომანში" შესრულებული როლისთვის
• 1969 - რსფსრ-ს დამსახურებული არტისტი