ზურაბ გუმბერიძე

დაბადების ადგილი: ქ. თბილისი.

დაამთავრა თბილისის სახელმწიფო პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი, ინჟინერის სპეციალობა 1976 წელს; დრეზდენის ტექნიკური უნივერსიტეტის (გერმანია) ასპირანტურა 1982 წელს.

1976-1979წწ. საქართველოს ტექნიკური უნივერსიტეტის ინჟინერი, შემდგომ უმცროსი მეცნიერ თანამშრომელი; 1979-1982წწ. ქ. დრეზდენის ტექნიკური უნივერსიტეტის ასპირანტი; 1982-1983წწ. საქართველოს ტექნიკური უნივერსიტეტის უფროსი მეცნიერ მუშაკი, სექტორის ხელმძღვანელი;1983-1992წწ. საქართველოს ტექნიკური უნივერსიტეტის მანქანათმშენებლობის პროგრამული მართვის კათედრის დოცენტი; 1988-1992წწ. საქართველოს ტექნიკური უნივერსიტეტის საღამოს და დაუსწრებელი სწავლების №2 ფაკულტეტის დეკანი; 1992-1995წწ. საქართველოს ტექნიკური უნივერსიტეტის მანქანათმშენებლობის პროგრამული მართვის კათედრის გამგე, პროფესორი; 1995-1997წწ. აზერბაიჯანის რესპუბლიკაში საქართველოს საელჩოს საგანგებო და სრულუფლებიანი დესპანი; 2007-2008 − აზერბაიჯანის რესპუბლიკაში საქართველოს ნავთობისა და გაზის კორპორაციის წარმომადგენლობის დირექტორი; 2008-2011წწ. კომპანია "AZ-Invest"-ის დირექტორი (ბაქო); 2011-2018წწ. კომპანია "CBS-Consulting"-ის ბაქოში წარმომადგენლობის დირექტორი, ამჟამად მრჩეველ-ექსპერტი (თბილისი); 1998 წელს საერთაშორისო სატრანსპორტო TRACECA პროექტის ბაქოს ხელშეკრულების ძირითადი დოკუმენტის მოსამზადებელი ქართული საექსპერტო დელეგაციის ხელმძღვანელი; 1996-2004წწ. ბაქო-სუფსის და ბაქო-თბილისი-ჯეიჰანის ნავთობსადენების და ბაქოთბილისი-ერზერუმის გაზსადენის ძირითადი ხელშეკრულებების მომზადების საქართველოს დელეგაციის წევრი, ექსპერტი; 1995-1997წწ. საქართველოს საგანგებო და სრულუფლებიანი დესპანი აზერბაიჯანის რესპუბლიკაში; 1997-2007წწ. საქართველოს საგანგებო და სრულუფლებიანი ელჩი აზერბაიჯანის რესპუბლიკაში; 40 სამეცნიერო ნაშრომისა და სახელმძღვანელოების ავტორი; მინიჭებული აქვს საგანგებო და სრულუფლებიანი ელჩის დიპლომატიური რანგი; აზერბაიჯანის რესპუბლიკის პრეზიდენტის განკარგულებით დაჯილდოვდა "Şöhrət" (დიდების) ორდენით აზერბაიჯანსა და საქართველოს შორის კულტურული, ეკონომიკური და პოლიტიკური ურთიერთობების ჩამოყალიბებაში განსაკუთრებული როლისთვის. ტექნიკურ მეცნიერებათა დოქტორი (1982).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 100; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.64

• 1990 - საქართველოს სახელმწიფო პრემია, მეცნიერებისა და ტექნიკის დარგში
• 1987 - საქართველოს კომკავშირის პრემია, მეცნიერებისა და ტექნიკის დარგში

• მმართველი პროგრამების მომზადების ავტომატიზებული სისტემა ციფრული პროგრამული მართვის ჩარხებისათვის : დამხმ. სახელმძღვ. (თანაავტორი). - თბილისი, 1987. - 79გვ.