ვალერიან მაღრაძე

დაბადების ადგილი: ქ. ბორჯომი.

დაამთავრა მოსკოვის სამშენებლო ინსტიტუტი 1951 წელს(საინჟინრო–არქიტექტურული), ვ. სარაჯიშვილის სახელობის თბილისის სახელმწიფო კონსერვატორია 1958 წელს(საკომპოზიტორო).

1954–1963წწ. იყო თბილისის მე–12 საშუალო სკოლის გუნდის ხელმძღვანელი, 1956–1976წწ. III სამუსიკო სასწავლებლის თეორიის საგნების პედაგოგი; 1963 წლიდან მასწავლებელი, 1976 წლიდან ვ. სარაჯიშვილის სახელობის თბილისის სახელმწიფო კონსერვატორიის დოცენტი; 1980–1981წწ. იყო სიმღერისა და ცეკვის ანსამბლის სამხატვრო ხელმძღვანელი; მას ეკუთვნის: სიმფონიური ნაწარმოებები – "ქართული" საცეკვაო სიუიტა სიმფონიური ორკესტრისათვის(1950), კონცერტი ფორტეპიანოსა და სიმფონიური ორკესტრისათვის(1956), სიმფონიეტა(1958); კამერულ–ინსტრუმენტული ნაწარმოებები –  თემა ვარიაციებით ფორტეპიანოსათვის(1952), "სახუმარო" პიესა საფორტეპიანო კვინტეტისათვის(1964), საბავშვო პიესა საფორტეპიანო კვარტეტისათვის(1977), 12 საფორტეპიანო პიესა(1978), 2 პრელუდია და 3 ქართული ცეკვა ფორტეპიანოსათვის(1982); სიმღერები გუნდისათვის ა კაპელა, საბავშვო საგუნდო სიმღერები, მუსიკა სპექტაკლებისთვის; მას დიდი ღვაწლი მიუძღვის ფოლკლორისტიკის დარგში, ჩაწერილი და აღდგენილი აქვს დიდი რაოდენობა ნაკლებად ცნობილი მესხური ხალხური სიმღერებისა, რომელთაც მან მიუძღვნა მრავალი ნაშრომი და სტატია; მას ეკუთვნის აგრეთვე ქართულ ენაზე ნათარგმნი "ჰარმონიის სახელმძღვანელო"; დაწერილი აქვს ნაშრომები, სტატიები ჟურნალებში; ხელოვნებათმცოდნეობის კანდიდატი, დაიცვა საკანდიდატო დისერტაცია 1972 წელს. 

წყარო: Композиторы грузии: Издание второе. – тб., 1973. - გვ. 130;  Композиторы и музыковеды грузии. – тб., 1984. - გვ. 246

• საბჭოთა კავშირის კომპოზიტორთა კავშირი, წევრი (1969-19??)