ბარძიმ არაგვის ერისთვისშვილი

ბარძიმ არაგვის ერისთვისშვილი იყო ქართველი პოლიტიკური მოღვაწე, 1688–1692 წლებში  ქართლის მსაჯულთუხუცესი(მდივანბეგი); იბრძოდა  ერეკლე I-ის მხარეზე გიორგი XI-ის წინააღმდეგ. დვალეთში არჩილ II-ის ვაჟების შესაპყრობად გაგზავნილ ლაშქარს მეთაურობდა; 1691 წელს გიორგი XI-ს მიემხრო, რომლის დავალებითაც ცდილობდა იმერეთის ტახტზე არჩილ II-ის განმტკიცებას; 1692 წელს ბარძიმ არაგვის ერისთვისშვილი გიორგი XI-ის ლაშქარს მეთაურობდა, რომელსაც კახეთი უნდა შემოეერთებინა. სოფელ ნინოწმინდასთან ბრძოლაში ქართლის ლაშქარი დამარცხდა. თვით ბარძიმ არაგვის ერისთვისშვილი მძიმედ დაიჭრა და გარდაიცვალა. 

წყარო: საქართველო: ენციკლოპედია: ტ.I.–თბ., 1997.–გვ.361