შოთა მილორავა

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1947 წელს.

1947 წლიდან მუშაობდა სახელმწიფო საგუნდო კაპელის კონცერტმეისტერად; 1952 წლიდან პედაგოგ–ქორმეისტერად; იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი, პროფესორი; კინოსტუდია ქართულ ფილმში მუსიკალური რედაქტორი; მის შემოქმედებაში წამყვანი ადგილი უჭირავს ოპერეტას(ოცდაათამდე), მათ შორის აღსანიშნავია: "სასიძოები"(1952), "საყვარელი დისწული"(1955), "სიმღერა თბილისზე"(1958), "მხოლოდ შენ ერთს"(1961), "სამი უფროსის მსახური"(1962), "ერთხელ გაზაფხულზე", "ჩანჩურა", "კახაბერის ხმალი"; ასევე ეკუთვნის დუნაევსკის ოპერეტის "ოქროს ველის" მუსიკალური რედაქცია, რომელიც 1970 წელს დაიდგა "გაბზარული ფირფიტის" სახელწოდებით ვ. აბაშიძის სახელობის თბილისის მუსიკისა და დრამის სახელმწიფო თეატრში; ასევე ავტორია სიმფონიური ნაწარმოებებისა – "ელისო"(1946), საზეიმო უვერტიურა(1949); საგუნდო ნაწარმოებები, სიმღერები გუნდისათვის ა კაპელა, კამერულ –ინსტრუმენტული ნაწარმოებები – მუსიკალური მომენტი ფორტეპიანოსათვის(1951), ორი მინიატურა ფორტეპიანოსათვის(1951, 1955), მელოდია ვიოლონჩელოსა და ფორტეპიანოსათვის(1951), სამი საბავშვო პიესა ფორტეპიანოსათვის(1964), მელოდია კლარნეტისა და ფორტეპიანოსათვის(1975), ორი პიესა 3 ტრომბონისათვის(1976), 7 საბავშვო პიესა ფორტეპიანოსათვის(1982), საბავშვო პიესა სიმებიანი კვარტეტისათვის(183); კამერულ–ვოკალური ნაწარმოებები – "სიმღერა"(1948), "მე თქვენ მიყვარხართ"(1949), "სიყვარული სამშობლოსადმი"(1972), "ლამაზები მღერიან"(1976), "თბილისის დილა"(1979); "ერთნაწილიანი კანტატები – "მეგობრის ხსოვნას"(1972), "აყვავებული მხარე"(1973); საესტრადო სიმღერები, მუსიკა კინოფილმებისა და მუსიკალური თეატრებისათვის. 

წყარო: ქართული საბჭოთა ენციკლოპედია: ტ. 6. - თბ., 1983. – გვ. 698; Композиторы и музыковеды грузии. – тб., 1984. - გვ. 267

• საბჭოთა კავშირის კომპოზიტორთა კავშირი, წევრი (1947-19??)
• საბჭოთა კავშირის კომპოზიტორთა კავშირის სარევიზიო კომისია, წევრი (1979-19??)
• საქართველოს კომპოზიტორთა კავშირი, წევრი

• 1979 - საქართველოს სახალხო არტისტი
• 1961 - საქართველოს ხელოვნების დამსახურებული მოღვაწე
• 1958 - ღირსების ორდენი
• საპატიო ნიშნის ორდენი