ბერდია გუგავა

დაბადების ადგილი: დაბა ლენტეხი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1979 წელს.

1979-1980წწ. იყო ლენტეხის სპორტსკოლის მწვრთნელი; 1980-1985წწ. დირექტორი; 1985-1990წწ. ლენტეხის ტურბაზის დირექტორი; 1990 წელს ოლიმპიური რეზერვების სპორტსკოლის დირექტორი; 1990-1991წწ. საქართველოს რესპუბლიკის უზენაესი საბჭოს წევრი: მაჟორიტარი, ლენტეხის საარჩევნო ოლქი,  საარჩევნო ბლოკი "მრგვალი მაგიდა – თავისუფალი საქართველო", სპორტისა და ტურიზმის ქვეკომისიის თავმჯდომარე; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1996 წელს საქართველოს ოლიმპური ნაკრების უფროსი მწვრთნელი ძიუდოში (ატლანტა). 2009-2013წწ. ლენტეხის მუნიციპალიტეტის გამგებლის მოადგილე.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 98; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 136; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.330

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• სპორტსაზოგადოება "შევარდენი", თავმჯდომარის მოადგილე (1992-1993)

• 2000 - ღირსების ორდენი