სანდრო მირიანაშვილი

დაბადების ადგილი: ქ. სიღნაღი.

დაამთავრა თბილისის I სამუსიკო სასწავლებელი; დროგამოშვებით სწავლობდა ვ. სარაჯიშვილის სახელობის თბილისის სახელმწიფო კონსერვატორიაში, მოსკოვისა და პეტერბურგის კონსეტრვატორიებში 1934–1945წწ.

ხელმძღვანელობდა საგუნდო ანსამბლებს პეტერბურგსა და თბილისში; 1952–1956წწ. იყო კავკასიის მესაზღვრე არმიასთან არსებული სიმღერისა და ცეკვის ანსამბლის მხატვრული ხელმძღვანელი; სხვადასხვა დროს მუშაობდა რესპუბლიკის მხატვრული თვითშემოქმედების კოლეკტივების ხელმძღვანელად; იგი მრავალი სიმღერისა და რომანსის ავტორია; დაწერილი აქვს საბავშვო ოპერა "რუხი მგელი"(1945); კრებული "ორმოცდაათი საფორტეპიანო პიესა ბავშვებისათვის"; მუსიკა დრამატული თეატრის სპექტაკლებისათვის; სიმღერებიდან და რომანსებიდან აღსანიშნავია: "შევიშრობ ცრემლსა", "საყვარელ ქუჩაზე", "მერი", "წინ", "ახალგაზრდული სიმღერა მშვიდობაზე", "ნანა"; 1957–1959წწ. იყო საქართველოს სახელმწიფო ფილარმონიის საესტრადო განყოფილების სამხატვრო ხელმძღვანელი.

წყარო: ქართული საბჭოთა ენციკლოპედია: ტ. 7. - თბ., 1984. – გვ. 11; Композиторы грузии: Издание второе. – тб., 1973. - გვ. 147; Композиторы и музыковеды грузии. – тб., 1984. - გვ. 278

• საბჭოთა კავშირის კომპოზიტორთა კავშირი, წევრი (1945-19??)

• 1966 - საქართველოს სახალხო არტისტი
• 1961 - ხელოვნების დამსახურებული მოღვაწე