ზურაბ ბარათაშვილი

ზურაბ ბარათაშვილი იყო XVII საუკუნის I ნახევრის ქართლის სამეფოს პოლიტიკური მოღვაწე, მეწინავე სადროშოს  (სომხით-საბარათიანოს) სარდალი (იხსენიება 1634,1637 წლების საბუთებში). სარდლობა უნდა მიეღო სიმონ II-ის მეფობის ბოლო ხანებში, ქაიხოსრო ბარათაშვილის შემდეგ. ერთგულობდა როსტომ მეფეს. ზურაბი იყო ბარათაშვილთა ერთი შტოს–ზურაბიშვილთა გვარის ფუძემდებელი. ყმა-მამული სასახლითა და ეკლესია-მონასტრით ჰქონდა კაზრეთში, რომელიც შემდეგ ზურაბიშვილთა სამფლობელოს, საზურაბიშვილოს რეზიდენცია გახდა.

 წყარო: საქართველო: ენციკლოპედია: ტ.I.–თბ., 1997.–გვ.351