თომა ბარათაშვილი

თომა ავთანდილის ძე ბარათაშვილი იყო XVIII საუკუნის I ნახევრის ქართველი პოეტი.

1724 წელს თავის ძმასთან, ცნობილ პოეტთან მამუკა ბარათაშვილთან ერთად რუსეთში გახიზნულ ვახტანგ VI–ს გაჰყვა ამალაში. 1740-იან წლებში რუსეთის საგარეო საქმეთა კოლეგიის დიპლომატ-კურიერი იყო. ბარათაშვილის პოეტური მემკვიდრეობიდან ცნობილია რამდენიმე ლექსი, რომლებშიც უცხოეთში გადახვეწილი ადამიანის სევდაა გამოხატული.  დავით გურამიშვილი ბარათაშვილს დასესხებია ერთ სასიმღერო კილოს("ხმას") და ლექსიც მიუძღვნია მისთვის.

 წყარო: საქართველო: ენციკლოპედია: ტ.I.–თბ., 1997.–გვ.351; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.45