ქაიხოსრო ბარათაშვილი

ქართლის სამეფოს პოლიტიკური მოღვაწე XVII საუკუნის I ნახევარში.

1619 წლიდან იხსენიება ბოქაულთუხუცესად. 1625 წლის ბოლოს მიიღო მეწინავე სადროშოს(სომხით-საბარათიანოს) სარდლობა და მეკობრისმძებნელის სახელო, 1626 ივნისში დაინიშნა თბილისის მოურავად. 1626 წლის შემოდგომაზე აბას I–მა დედოფლის(სიმონ II–ის მეუღლის ჯაჰანბანუს) სახლთუხუცესად დანიშნა. ბარათაშვილი ადრე ლუარსაბ II–ის მომხრე იყო, შემდეგ - სიმონ II-ისა. 1625 წლიდან გიორგი სააკაძეს მიემხრო, იმავე წლის ბოლოს ისევ სიმონ II-ის მხარეზე გადავიდა. შემდეგ თეიმურაზ I–ს ემსახურებოდა. 1633 წლიდან როსტომ მეფეს მიენდო, მაგრამ მალე მის წინააღმდეგ შეთქმულებაში მონაწილეობის გამო შეიპყრეს და სიკვდილით დასაჯეს.

 წყარო: საქართველო: ენციკლოპედია: ტ.I.–თბ., 1997.–გვ.354