ილია ბარათაშვილი

დაბადების ადგილი: სოფელი სიმონეთი, თერჯოლის რაიონი.

დაამთავრა საქართველოს პოლიტექნიკური ინსტიტუტი 1956 წელს.

1956–1957წწ. მუშაობდა "ავტომატმრეწვში" ინჟინრად; 1957–1980წწ. იყო საქართველოს მეცნიერებათა აკადემიის მეტალურგიის ინსტიტუტის მეცნიერ-თანამშრომელი; 1980 წლიდან ხელმძღვანელობდა ამავე ინსტიტუტის მეტალურგიული პროცესების ფიზიკისა და ქიმიის ლაბორატორიას; 1985 წლიდან ტექნიკის მეცნიერებათა დოქტორი; 1987 წლიდან პროფესორი. 1990 წლიდან იყო მეტალურგიის ინსტიტუტის დირექტორი; 1985 წლიდან ეწეოდა პედაგოგიურ მოღვაწეობას საქართველოს ტექნიკური უნივერსიტეტის შავი ლითონების მეტალურგიის კათედრაზე. მისი სამეცნიერო შრომები ეხება მეტალურგიული პროცესების თეორიულ საფუძვლებს. დაამუშავა და დანერგა ელექტროლიტური მანგანუმის დააზოტებისა და რაფინირების ტექნოლოგია. 

წყარო: საქართველო: ენციკლოპედია: ტ.I.–თბ., 1997.–გვ.352

• საქართველოს მეცნიერებათა აკადემია, წევრ-კორესპონდენტი (1997-)

• 1993 - საქართველოს სახელმწიფო პრემია, მეცნიერებისა და ტექნიკის დარგში
• 1990 - პეტრე მელიქიშვილის სახელობის პრემია
• 1984 - გიორგი ნიკოლაძის სახელობის პრემია

• ფოლადის მეტალურგია : სახელმძღვ. ტექნ. სასწ. სტუდ-თვის და მაგისტრანტებისათვის (ავტორი). - თბილისი, მეცნიერება, 2002. - 791გვ. . - ISBN: 99940-735-0-8