იოანე (ქუთათელ-გაენათელი მიტროპოლიტი)

დაბადების ადგილი: ქ. თბილისი.

დაამთავრა ქ. ნოვოჩერკასკის პოლიტექნიკური ინსტიტუტის სამთო გეოლოგიის ფაკულტეტი 1970 წელს.

მუშაობდა თბილისის გეოლოგიურ სამმართველოში უფროსი გეოლოგის თანამდებობაზე; 1983 წლიდან სიონის ყოვლადწმინდა ღვთისმშობლის მიძინების სახელობის საპატრიარქო ტაძარში სტიქაროსნად დაადგინეს; დაამთავრა მცხეთის სასულიერო სემინარია 1988 წელს; 1987 წელს დიაკვნად აკურთხეს; 1988 წელს მღვდლად აკურთხეს და ანჩისხატის მაცხოვრის სახელობის ტაძრის წინამძღვარად დაინიშნა; 1989 წლის 8 თებერვალს სიონის საპატრიარქო ტაძრის წინამძღვრად გადაიყვანეს და პროტოპრესვიტერის წოდება მიენიჭა; 1989-1993წწ. თბილისის სასულიერო სემინარიისა და აკადემიის რექტორია; 1993 წლიდან საპატრიარქოს სასწავლო კომიტეტის ხელმძღვანელი; 2005 წლიდან სასულიერო სემინარიისა და აკადემიის პრორექტორი; 2008 წლის 11 სექტემბერს ბერად აღიკვეცა; ამავე წლის 14 სექტემბერს ეპისკოპოსად აკურთხეს; 2010 წლიდან რუსთავისა და მარნეულის მთავარეპისკოპოსია; 2011 წლიდან რუსთავისა და მარნეულის მიტროპოლიტი; 2013 წლიდან რუსთველი მიტროპოლიტი, კათედრა და რეზიდენცია რუსთავში; 2019 წლიდან ქუთაის-გაენათის ეპარქიის მიტროპოლიტი. საქართველოს საპატრიარქოს წმინდა მეფე დავით აღმაშენებლის სახ. განათლების ცენტრის თავმჯდომარე.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 90; საქართველოს საპატრიარქოს ვებ-გვერდი: patriarchate.ge

• გელათის მეცნიერებათა აკადემია, აკადემიკოსი, პრეზიდენტი (1995-)