ლია რობიტაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1955 წელს.

1954 წლიდან ეწეოდა პედაგოგიურ მოღვაწეობას, ასწავლიდა მუსიკის თეორიის საგნებს თბილისის II და VIII სამუსიკო სკოლებში, 1961 წლიდან VII სამუსიკო სკოლაში; ძირითადად მუშაობდა საბავშვო მუსიკის ჟანრში; შექმნილი აქვს: სიმფონიური ნაწარმოებები – კონცერტი ფორტეპიანოსა და ორკესტრისათვის(1955); კამერულ–ინსტრუმენტული ნაწარმოებები – "პასტორალური სიმღერა" ფლეიტისა და ფორტეპიანოსათვის(1953), სონატინა ფორტეპიანოსათვის(1953), საფორტეპიანო მინიატურები საბავშვო ბაღში მოსასმენად(1970); კამერულ–ვოკალური ნაწარმოებები – ვოკალიზი მაღალი ხმის, ფლეიტისა და ფორტეპიანოსათვის(1954), დუეტი სოპრანოსა და ბარიტონისათვის ფორტეპიანოს თანხლებით(1970, მ. თარხნიშვილის სიტყვებზე); საბავშვო სიმღერები – "მანანა და წიწილები", "მრეცხავი"(1964), "სკოლის ზარი", "ქალიშვილის სიმღერა(1966), "ჭრიჭი–ჭრიჭი", "საახალწლო"(1972), სამი საგუნდო სიმღერა(1973); ოპერა–ზღაპარი "პატარა ენძელას იუბილე"(1967, ლიბრეტო გ. ჭიჭინაძის. დაიდგა საშუალო სკოლის მოსწავლეთა ძალისხმევით);

წყარო: Композиторы грузии: Издание второе. – тб., 1973. - გვ. 188; Композиторы и музыковеды грузии. – тб., 1984. - გვ. 318

• საბჭოთა კავშირის კომპოზიტორთა კავშირი, წევრი (1971-19??)