ოთარ ბათიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1948  წელს.

1950–1954წწ. იყო სანატორიუმ "ლიბანის", 1954–1959წწ. სანატორიუმ "ბორჯომ-ლიკანის" მთავარი ექიმი, 1959–1989წწ. ტუბერკულოზის რესპუბლიკური სამეცნიერო-კვლევითი ინსტიტუტის დირექტორი, 1989 წლიდან მრჩეველი; 1978 წლიდან მუშაობდა  რესპუბლიკის მთავარი ფთიზიატრად. შეისწავლა ტუბერკულოზის პროფილაქტიკის და მკურნალობის თანამედროვე მეთოდები და მათი გამოყენება, კლიმატური-კურორტული მკურნალობის ეფექტურობა ტუბერკულოზით დაავადებულებში, სრულყოფდა მეცხოველეებისა და მსხვილ რქოსანი საქონლის ტუბერკულოზით დაავადების ლიკვიდაციის უახლეს მეთოდებს და სხვ. ფთიზიატრი. მედიცინის მეცნიერებათა დოქტორი (1973).

წყარო: საქართველო: ენციკლოპედია: ტ.I.–თბ., 1997.–გვ.328; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.201

• ტუბერკულოზისა და ფილტვის დაავადებათა წინააღმდეგ ბრძოლის საერთაშორისო ასოციაცია, წევრი (1966-)
• საქართველოს მედიკო–ბიოლოგიური აკადემია, აკადემიკოსი
• ფთიზიატრთა რესპუბლიკური სამეცნიერო საზოგადოება, თავმჯდომარე (1981-)

• 1998 - ღირსების ორდენი
  მოსახლეობის ჯანმრთელობის დაცვის საქმეში შეტანილი პირადი დიდი წვლილისა და სისტემის რეორიენტაციის პროცესში აქტიური მონაწილეობისათვის

• ტუბერკულოზი და მასთან ბრძოლა საქართველოში (ავტორი). - თბილისი, 2002. - 90გვ.