The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ელგუჯა გვაზავა

ელგუჯა გვაზავა
დაბადების თარიღი:22 თებერვალი, 1952  (69 წლის)
კატეგორია:ბიოლოგი, მეცნიერი, პედაგოგი, პოლიტიკოსი

ბიოგრაფია

დაბადების ადგილი: ქ. ოჩამჩირე.

დაამთავრა სოხუმის პედაგოგიური ინსტიტუტის ბიოლოგიის ფაკულტეტი 1974 წელს; დიპლომატიური აკადემია 1998 წელს.

1968-1970წწ. იყო სოხუმის სამედიცინო სასწრაფო დახმარების სანიტარი; 1975 წელს სოხუმის სამედიცინო ტექნიკუმის კომკავშირის განთავისუფლებული მდივანი; 1976 წლიდან გულრიფშის საშუალო სკოლის პედაგოგი, თბილისის სახელმწიფო უნივერსიტეტის ასპირანტი; 1981 წლიდან სოხუმის უნივერსიტეტის ლექტორი, დეკანის მოადგილე; 1986 წლიდან დოცენტი; აფხაზეთის უმაღლესი საბჭოს წევრი 1991 წლიდან: სოხუმის N2 საარჩევნო ოლქი, უმაღლესი საბჭოს თავმჯდომარის მოადგილე 1995 წლიდან, თავმჯდომარე (2009 – 8 აპრილი, 2019); 1992-1995წწ. საქართველოს მე-3 მოწვევის პარლამენტის წევრი: პროპორციული სიით, N9 მრავალმანდატიანი საარცევნო ოლქი, საქართველოს მწვანეთა პარტია, გარემოს დაცვისა და ბუნებრივი რესურსების კომიტეტის წევრი; 1995-1999წ. საქართველოს მე-4 მოწვევის პარლამენტის წევრი: არჩეული აფხაზეთიდან, ფრაქცია "აფხაზეთი", გაერმოს დაცვისა და ბუნებრივი რესურსების კომიტეტის წევრი; 1999-2004წწ. საქართველოს მე-5 მოწვევის პარლამენტის წევრი: პარტიული სიით, საარჩევნო ბლოკი: საქართველოს მოქალაქეთა კავშირი, გაერმოს დაცვისა და ბუნებრივი რესურსების ქვეკომიტეტის თავმჯდომარე. მრავალი სამეცნიერო ნაშრომების ავტორი. ბიოლოგიის მეცნიერებათა დოქტორი.

საკანდიდატო დისერტაციის თემა - "ახალი კიბოს საწინააღმდეგო პრეპარატების მოქმედება ადამიანისა და ცხოველთა გენეტიკურ აპარატზე", დაიცვა 1981 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 84; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 117

ორგანიზაციის, ასოციაციის ან ჯგუფის წევრი

  • აფხაზეთის მწვანეთა მოძრაობა, თავმჯდომარე
  • საქართველოს ეკოლოგიურ მეცნიერებათა აკადემია, წევრ-კორესპონდენტი
  • საქართველოს მე-3 მოწვევის პარლამენტი, წევრი (1992-1995)
  • საქართველოს მე-4 მოწვევის პარლამენტი, წევრი (1995-1999)
  • საქართველოს მე-5 მოწვევის პარლამენტი, წევრი (1999-2004)

გააზიარე: