გივი ბადრიშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის მევენახეობის, მეხილეობისა და მებოსტნეობის ფაკულტეტი 1959 წელს.

1968–1973წწ. იყო სოფელ სკრის მეხილეობის საცდელი სადგურის დირექტორი; 1976–1982წწ. საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში, 1982–1988წწ. გალავნის ექსპერიმენტული მევენახეობა-მებაღეობის მეურნეობის, ხოლო 1989–1991წწ. წინამძღვრიანთკარის ი. წინამძღვრიშვილის სახელობის სასოფლო-სამეურნეო ტექნიკუმის დირექტორი. 1992 წლიდან იყო საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის განყოფილების გამგე; დაამუშავა ხეხილის ნერგის წარმოების ინტენსიური ტექნოლოგია, რომელიც გულისხმობს ღია გრუნტში ხეხილის ნამყენი ნერგის გამოყვანას. მიღებული აქვს სახელმწიფო ჯილდოები. სოფლის მეურნეობის მეცნიერებათა დოქტორი (1986), აგრონომი.

წყარო: საქართველო: ენციკლოპედია: ტ.I.–თბ., 1997.–გვ.324

• საქართველოს სოფლის მეურნეობის მეცნიერებათა აკადემია, წევრ–კორესპონდენტი (1992-)

• საქართველოს დამსახურებული რაციონალიზატორი

• ხეხილის ბოტანიკური ლექსიკონი = Ботанический словарь плодовых : სახელწოდებები ქართულ, რუსულ და ლათინურ ენებზე (ავტორი). - თბილისი, საარი, 2009. - 100გვ.