სიკო ბადურაშვილი

დაბადების ადგილი: სოფელი ჟებოტა, თიანეთის რაიონი.

დაამთავრა თიანეთის ორკლასიანი და თელავის სასულიერო სასწავლებლები. სწავლობდა თბილისის სასულიერო სასწავლებელში. ვაჟა–ფშაველას დახმარებით შევიდა თბილისის ქართულ გიმნაზიაში. იყო "ქართველთა შორის წერა–კითხვის გამავრცელებელი საზოგადოების" სტიპენდიანტი. 1913 წელს სწავლა გააგრძელა იურიევის(ტარტუს) უნივერსიტეტის იურიდიულ ფაკულტეტზე.

"თავისუფალის" ფსევდონიმით ტიციან ტაბიძის ხელნაწერ ჟურნალ "შუქში" აქვეყნებდა ლექსებს. 1910 წლიდან მისი ნაწარმოებები იბეჭდებოდა ჟურნალ–გაზეთებში: "საქართველო", "ნაკადული", "თემი", "თეატრი და ცხოვრება", მ. გაჩეჩილაძის მიერ შედგენილ კრებულში "ჩანგი". მისი შემოქმედების მთავარი თემა იყო სამშობლო და სიცოცხლე. დაიღუპა ტრაგიკულად; მან 200 ლექსის, ექვსი პოემის, ათი მოთხრობისა და რამდენიმე სტატიის დაწერა მოასწრო. მწერლის ხელნაწერები და საოჯახო ბიბლიოთეკა დაკარგულია.

წყარო: საქართველო: ენციკლოპედია: ტ.I.–თბ., 1997.–გვ.324; presa.ge; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 42

• ლექსები (ავტორი). - თბილისი, საბჭ. საქართველო, 1971. - 69გვ.