ბაგრატ ბატონიშვილი

დაბადების ადგილი: ქ. თბილისი.

ბაგრატ ბატონიშვილი(ბაგრატიონი) იყო ქართლ-კახეთის უკანასკნელი მეფის გიორგი XII-ის ძე. 1803  წელს ოჯახით გაასახლეს პეტერბურგში, სადაც გარდაცვალებამდე ცხოვრობდა. დაწერილი აქვს ისტორიული თხზულებები: "ახალი მოთხრობა", "რუსეთ-სპარსეთის ომი...". პირველი წარმოადგენს ბაგრატ ბატონიშვილის ძმის დავით ბატონიშვილის თხზულების გაგრძელებას. ავტორი ქრონოლოგიური თანამიმდევრობით გადმოსცემს საქართველოს ისტორიულ მოვლენებს XVIII საუკუნის შუა წლებიდან XIX საუკუნის 40-იან წლებამდე. თხზულებაში გადმოცემულია უკმაყოფილება რუსეთის მიერ ქართლ-კახეთის სამეფოს გაუქმების გამო. ბაგრატ ბატონიშვილს ეკუთვნის აგრეთვე ვეტერინარული და ეკონომიკური ხასიათის შრომები. მისი  შრომებიდან განსაკუთრებით აღსანიშნავია "სამკურნალო ცხენთა და სხვათა პირუტყვთა", რომლებიც გამოიცა 1818 წელს პეტერბურგში და წარმოადგენს პირველ ქართულ წიგნს ვეტერინარიაში. 1807 მანვე შეადგინა ცხენის დაავადებათა სამკურნალო წიგნი, რომელიც ფაქტობრივად ვეტერინარიის რეცეპტურაა.

წყარო: საქართველო: ენციკლოპედია: ტ.I.–თბ., 1997.–გვ.318

• ახალი მოთხრობა (ავტორი). - თბილისი, საქ. სსრ მეცნ. აკად. გამ-ბა, 1941. - 49–212გვ.
• სამკურნალო ცხენთა და სხვა პირუტყვითა (ავტორი). - სანკტ–პეტერბურგი, იოსებ იოანესოვის სტ., 1818. - 148გვ.